03-03-2023 11:42:17 | Հայաստան | Ի՞նչ է գրում մամուլը
Ազատություն. Հայաստանի արտգործնախարար Արարատ Միրզոյանն այսօր աշխատանքային այցով մեկնել է Հնդկաստան։
Միրզոյանն, ինչպես արտաքին քաղաքական գերատեսչությունն է տեղեկացնում, Նյու-Դելիում կմասնակցի Հնդկաստանի՝ աշխարհաքաղաքականության և աշխարհատնտեսության թեմաներով առաջատար համաժողով «Ռաիսինա երկխոսությանը»։
Արտգործնախարարը համաժողովի շրջանակներում՝ որպես բանախոս, կմասնակցի պանելային քննարկման, ինչպես նաև հանդիպումներ կունենա գործընկերների հետ։
Այս համաժողովին Միրզոյանը մասնակցել է նաև անցած տարվա ապրիլին։ Այցի շրջանակներում անցկացվեց նաև հայ-հնդկական գործարար համաժողովը, որտեղ իր ելույթում արտգործնախարարը հայտարարց՝ «նոր էջ են բացում հայ-հնդկական տնտեսական համագործակցության պատմության մեջ», և «վերականգնում են առևտրի, զարգացման և բարգավաճման հիանալի ավանդույթները»։
Վերջին շրջանում Հայաստանի և Հնդկաստանի միջև փոխայցելություններն ակտիվացել են։ Պաշտոնական Երևանը բազմիցս հայտարարել է, որ Հնդկաստանի հետ հարաբերությունների համակողմանի խորացումը և զարգացումը Հայաստանի արտաքին քաղաքական գերակայություններից է։
ՀԱՅԵՐԵՆ
Русский
English
Դաս. հայերեն
French
