ԱԷՄԳ-ը և Թեհրանը պետք է միասին վերացնեն կասկածները Իրանի միջուկային ծրագրի խաղաղ բնույթի վերաբերյալ. Գրոսի
04-03-2023 12:43:24 | Հայաստան | Ի՞նչ է գրում մամուլը
1lurer. Իրանը և Ատոմային էներգիայի միջազգային գործակալությունը կարող են կառուցել փոխըմբռնման և վստահության վրա հիմնված հարաբերություններ։ Նման կարծիք է հայտնել գործակալության գլխավոր տնօրեն Ռաֆայել Գրոսին, որն այցով գտնվում է Թեհրանում։
«Ես վստահ եմ, որ բանակցությունների շնորհիվ, որոնք ես հիմա վարում եմ Թեհրանում, բեկումնային պահ կլինի ԱԷՄԳ-ի և Իրանի միջև հարաբերություններում»,- Գրոսիի խոսքը մեջբերել է IRNA գործակալությունը:
Իրանի Ատոմային էներգիայի կազմակերպության ղեկավար Մոհամմադ Էսլամիի հետ բանակցությունների ընթացքում Գրոսին նաև հույս է հայտնել, որ որոշակի պայմանավորվածություններ ձեռք կբերվեն: Նա հավելել է, որ ԱԷՄԳ-ը և Թեհրանը պետք է միասին վերացնեն կասկածները Իրանի միջուկային ծրագրի խաղաղ բնույթի վերաբերյալ:
ՀԱՅԵՐԵՆ
Русский
English
Դաս. հայերեն
French
