Ադրբեջանի ԱԳՆ-ն կրկին իրականությունից կտրված հայտարարություններ է հնչեցրել՝ առաջ տանելով անցակետի գաղափարը
09-03-2023 15:28:51 | Հայաստան | Ի՞նչ է գրում մամուլը
Հայկական ժամանակ. Ադրբեջանի արտաքին գործերի նախարարությունը հանդես է եկել հայտարարությամբ՝ արձագանքելով Հայաստանի ԱԳՆ-ի հայտարարությանը՝ կրկին հերքելով սեփական մեղքը:
Արտաքին գործերի նախարարության հայտարարության մեջ ընդգծվում է, որ Հայաստանի կողմից ժխտումը, որ հայկական զինուժի մեքենաները օգտագործում են Ստեփանակերտ տանող ճանապարհը ռազմական նպատակներով, իբր արձանագրվել է Ադրբեջանի ԶՈՒ տեսախցիկների կողմից:
Կառույցը նաև անընդունելի է որակել Հայաստանի հայտարարություններ Արդարադատության միջազգային դատարանի վերջին որոշման մասին՝ դրանք համարելով խեղաթյուրման փորձ, իսկ հայկական կողմի արդարացի պահանջը՝ դատարանի որոշման իրականացման մասին, անվանել իրականության հետ կապ չունեցող ձգտում:
Ադրբեջանը կրկին հայտարարել է, թե հայկական ռազմական տրանսպորտային միջոցներն անցել և անցնում են ադրբեջանական տարածքով (ադրբեջանական են համարում Լեռնային Ղարաբաղի տարածքը), իսկ հայկական ուժերը դուրս չեն բերվել այնտեղից։
Այս ամենի համատեքստում պաշտոնական Բաքուն նշել է, որ խիստ անհրաժեշտ է սահմանային անցակետ ստեղծել Լաչինի ճանապարհի սկզբնամասում։