Ինքնասպան եղած զինծառայողը երեկ խոսել է ընտանիքի անդամների հետ, շնորհավորել մայրիկի տոնը. մանրամասներ
09-03-2023 19:56:54 | Հայաստան | Ի՞նչ է գրում մամուլը
armtimes.com Մարտի 8-ին մահացած հայտնաբերված ՊՆ N զորամասի զինծառայող Անդրանիկ Կարոյի Օհանյանը Սյունիքի մարզի Խնածախ համայնքից էր:
Խնածախի համայնքապետը լրատվամիջոցների հետ զրույցում ասել է, որ Անդրանիկը ընտանիքի կրտսեր զավակն էր, ունի մեկ քույր և մեկ եղբայր: Նրա զորացրվելուն մնացել էր մի քանի ամիս:
Ըստ համայնքապետի՝ տղան երեկ զանգահարել է ծնողներին, շնորհավորել մայրիկի տոնը:
Նա նաև նշել է, որ ընտանիքը անասնապահությամբ է զբաղվում: Մայրը գյուղի մանկապարտեզի դաստիարակն է:
Նկատենք, որ, չճշտված որոշ տեղեկությունների համաձայն, տղան կյանքին վերջ է տվել ընկերուհու հետ հեռախոսով խոսելուց հետո:
Ինքնասպան եղած զինծառայողը ազգակցական կապ ունի ԱԺ «Հայաստան» խմբակցության ղեկավար Սեյրան Օհանյանի հետ:
Հիշեցնենք՝ այսօր առավոտյան ՀՀ պաշտպանական գերատեսչությունը հաղորդել էր, որ մարտի 8-ին հայտնաբերվել է ՊՆ N զորամասի զինծառայող Անդրանիկ Կարոյի Օհանյանի մարմինը: Ավելի ուշ ՀՀ քննչական կոմիտեն հայտնեց, որ զինծառայողի դին հայտնաբերվել է անտառում՝ ծառից կախված վիճակում, նախաձեռնվել է քրեական վարույթ:
ՀԱՅԵՐԵՆ
Русский
English
Դաս. հայերեն
French
