Իրանի և Թուրքիայի արտգործնախարարները քննարկել են Ադրբեջանի հետ Թեհրանի հարաբերությունները
18-03-2023 13:50:13 | Հայաստան | Ի՞նչ է գրում մամուլը
Sputnik. Կողմերը կարծիքներ են փոխանակել ավելի սերտ երկկողմանի կապեր հաստատելու, ինչպես նաև Թեհրանի ու Անկարայի միջև փոխադարձ հետաքրքրություն ներկայացնող հարցերի վերաբերյալ։
Իրանի արտգործնախարար Ամիր Աբդոլլահիանը թուրք գործընկեր Մևլութ Չավուշօղլուի հետ հեռախոսազրույցի ընթացքում քննարկել է Իրանի և Ադրբեջանի հետ ընթացիկ փոխգործակցությանն առնչվող հարցեր։ Այս մասին հայտնում է Tasnim–ը` հղում անելով ԻԻՀ–ի ԱԳՆ–ին։
Ընդգծվում է, որ արտգործնախարարները կարծիքներ են փոխանակել ավելի սերտ երկկողմանի կապեր հաստատելու և տարածաշրջանային մակարդակով Թեհրանի ու Անկարայի միջև փոխադարձ հետաքրքրություն ներկայացնող հարցերի վերաբերյալ։
Թուրքիայի արտգործնախարարը հայտարարել է, որ իր երկիրը ողջունում է 7 տարվա դադարից հետո դիվանագիտական կապերի վերականգնման վերաբերյալ Իրանի և Սաուդյան Արաբիայի միջև կնքված համաձայնագիրը։
Նա վստահություն է հայտնել, որ այդ գործարքը կամրապնդի մադմեդական աշխարհի դիրքորոշումն ու իսլամական երկրների միջև փոխգործակցություն կհաստատի տարածաշրջանային խնդիրների լուծմանն աջակցելու համար։
Հաղորդագրության մեջ ասվում է, որ Իրանի արտգործնախարար Ամիր Աբդոլլահիանն իր հերթին նշել է` հարևանների և տարածաշրջանային երկրների հետ դրական փոխգործակցությունը ճանապարհ կհարթի տարածաշրջանում խաղաղության և կայունության ամրապնդման, ինչպես նաև միջազգային հարթակում փոխգործակցության ուժեղացման համար։
ՀԱՅԵՐԵՆ
Русский
English
Դաս. հայերեն
French
