Ադրբեջանի կողմից նոր սադրանքների վտանգը կա և բավական բարձր է. Ալեն Սիմոնյան
20-03-2023 14:18:47 | Հայաստան | Ի՞նչ է գրում մամուլը
Հայկական ժամանակ. «Ադրբեջանի կողմից նոր սադրանքների վտանգը կա և բավական բարձր է, բայց ասել, թե խաղաղության պայմանագրի շուրջ բանակցությունները փակուղում են՝ չեմ կարծում, թե ճիշտ է»:
Այս մասին այսօր խորհրդարանում լրագրողների հետ զրույցում ասել է ԱԺ նախագահ Ալեն Սիմոնյանը՝ հավելելով, որ գործընթացը կա և այն տեղում կանգնած չէ։
«Փակուղի անվանելը սխալ է, բայց դա չի նշանակում, որ հերթական սադրանքի առումով Ադրբեջանին դա կարող է զսպող գործիք լինել։ Հակառակը, կարող է այդ բանակցությունների մեջ ստեղծված իրականությունը հատուկ արված լինի, որպեսզի օգտագործվի որևէ սադրանք իրականացնելու համար», - նշել է Սիմոնյանը։
Նրա խոսքով՝ անկախ ամեն ինչից՝ ՀՀ-ն ամենօրյա ռեժիմով զբաղվում է երկրի պաշտպանողականությունը բարձրացնելու գործով։