Միացյալ Նահանգերը դեմ է Ուկրաինայում ռազմական գործողությունները սառեցնելու փորձերին․ Բլինքեն
20-03-2023 21:07:23 | ԱՄՆ | Ի՞նչ է գրում մամուլը
tert.am ԱՄՆ պետքարտուղար Էնթոնի Բլինքենը հայտարարել է, որ Վաշինգտոնը դեմ է Ուկրաինայում ռազմական գործողությունները սառեցնելու փորձերին, գրում է ՏԱՍՍ գործակալությունը։
Ինչպես ընդգծել է Բլինքենը, ԱՄՆ-ը նաև դեմ է ուկրաինական հակամարտության համատեքստում Ռուսաստանի ու Չինաստանի «մարտավարական հնարքներին»։ ԱՄՆ պետքարտուղարի խոսքով՝ Վաշինգտոնը կարծում է, որ ուկրաինական հակամարտության խաղաղ կարգավորումը պետք է ապահովի Ուկրաինայի ինքնիշխանության ու տարածքային ամբողջականության պահպանումը։
«Ցանկացած ծրագիր, որն առաջնահերթությունը չի տալիս այս չափազանց կարևոր սկզբունքին, լավագույն դեպքում ժամանակի ձգձգման մարտավարություն է կամ ուղղված է միայն անարդար ելքի խթանմանը», - հայտարարել է Միացյալ Նահանգների պետքարտուղարը։
Հիշեցնենք, որ օրերս Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին Fox News-ին տված հարցազրույցում ասել էր, որ ներկայում ԱՄՆ-ն անընդունելի է համարում Ուկրաինայում հրադադարի հաստատումը, քանի որ այն միայն կվավերացնի այսօրվա դրությամբ Ռուսաստանի նվաճումները և Պուտինին ժամանակ կտա նոր մարդկանց պատրաստելու և հարմարության դեպքում նոր հարձակում պլանավորելու համար։
ՀԱՅԵՐԵՆ
Русский
English
Դաս. հայերեն
French
