Ալեն Սիմոնյանը խառնաշփոթ կազմակերպեց. Սեյրան Օհանյանը՝ ԱԺ–ում միջադեպի մասին
31-03-2023 14:14:07 | Հայաստան | Ի՞նչ է գրում մամուլը
Sputnik. Սերյան Օհանյանը չբացառեց, որ ՔՊ–ականները լրատվական դաշտն ամբողջությամբ ողողել են այս լուրով Սյունիքի մարզում տեղի ունեցող իրադարձությունները ստվերելու համար։
ԱԺ «Հայաստան» խմբակցության ղեկավար Սեյրան Օհանյանն լրագրողների հետ զրույցում պատմել է այսօր ԱԺ–ում տեղի ունեցած միջադեպի որոշ մանրամասներ ու բացատրել, թե ինչու է խորհրդարանում նման իավիճակ առաջացել։
Ըստ նրա` իրավիճակն արդեն հարթվել էր, երբ ոստիկանությունը եկել է իր աշխատասենյակ Մհեր Սահակյանին հարցաքննելու համար։ Վերջինս արդեն պատրաստվել է ոստիկանների հետ գնալ ոստիկանության Արաբկիրի բաժին, երբ սենյակ է մտել ՀՀ ԱԺ խոսնակ Ալեն Սիմոնյանը։
«Կարելի է ասել, որ իր գործողություններով Ալեն Սիմոնյանը ներքին խառնաշփոթ կազմակերպեց։ Օգտվելով Ալեն Սիմոնյանի ներկայությունից` ոստիկանապետի տեղակալը սկսեց Մհեր Սահակյանին հրել է, այնինչ դրա իրավունքը ինքը չուներ, ու խառնաշփոթ եղավ իմ աշխատասենյակում»,– ասաց Սեյրան Օհանյանը։
Նա ներկա չի եղել այդ վիճաբանությանը, բայց իրեն պատմել են, որ ՔՊ– ական պատգամավորն է բարձր տոնով խոսել, ձեռքը սեղանին խփել ու հրահրել վեճը։
ԱԺ պատգամավորը պնդում է, որ սա առաջին դեպքը չէ, երբ ոստիկանությունը ոչ իրավաչափ ու կողմնակալ մոտեցում է դրսևորում։
«Երբ Վահագն Ալեքսանյանը նիստերի դահլիճում հարվածեց մեր պատգամավորին` Վահե Հակոբյանին, ոստիկանները չեկան ու չձերբակալեցին նրան»,– հիշեցրեց նա։
Նշենք, որ այսօր ԱԺ պետաիրավական հանձնաժողովում փակ քննարկման ժամանակ վիճաբանություն է տեղի ունեցել ընդդիմադիր «Հայաստան» խմբակցության պատգամավոր Մհեր Սահակյանի և հանձնաժողովի նախագահ Վլադիմիր Վարդանյանի միջև։
Սերյան Օհանյանը չբացառեց, որ ՔՊ–ականները լրատվական դաշտն ամբողջությամբ ողողել են այս լուրով Սյունիքի մարզում տեղի ունեցող իրադարձությունները ստվերելու համար։
ՀԱՅԵՐԵՆ
Русский
English
Դաս. հայերեն
French
