Զախարովան անհանգստացած է ոչ թե ԼՂ բնակչության ցեղասպանության ենթարկվելուց, այլ ռուս խաղաղապահների անվտանգության մասին
19-09-2023 15:49:25 | Հայաստան | Ի՞նչ է գրում մամուլը
Հայկական ժամանակ. ՌԴ ԱԳՆ պաշտոնական ներկայացուցիչ Մարիա Զախարովան այսօր տեղի ունեցած ճեպազրույցի ժամանակ հայտարարել է, որ Ռուսաստանը տարբեր աղբյուրներից տեղեկություններ է ստանում և խորապես անհանգստացած է Լեռնային Ղարաբաղում իրավիճակի կտրուկ սրմամբ։
«Հաղորդագրություններ ենք ստանում Ադրբեջանի ԶՈՒ կողմից, ինչպես նշում են Բաքվում՝ հակաահաբեկչական գործողությունների մասին և տեղի հայկական զինված խմբերի պատասխանի մասին։ Ռուսական կողմը հակամարտող կողմերին խստորեն կոչ է անում դադարեցնել արյունահեղությունը, անհապաղ դադարեցնել ռազմական գործողությունները և վերադառնալ քաղաքական-դիվանագիտական կարգավորման ուղի»,- ասել է Զախարովան, հավելել՝ Ղարաբաղի խնդրի լուծման բոլոր քայլերը նշված են 2020-2022 թթ․ Ռուսաստանի, Հայաստանի, Ադրբեջանի ղեկավարների եռկողմ հայտարարություններում։
Ստեղծված իրավիճակում ռուսական խաղաղապահ զորախումբը շարունակում է իրականացնել իր առջև դրված խնդիրները։ Մենք ելնում ենք նրանից, որ մեր խաղաղապահների անվտանգությունն անվերապահորեն կապահովեն բոլոր կողմերը։
Ռուսական խաղաղապահ զորակազմի հրամանատարությունը մշտական կապի մեջ է Ղարաբաղի հայության ներկայացուցիչների և Ադրբեջանի իշխանությունների հետ՝ հրադադարի և բարձր մակարդակով նշված եռակողմ պայմանավորվածությունների իրականացմանը վերադառնալու նպատակով»,- նշել է ՌԴ ԱԳՆ պաշտոնական ներկայացուցիչը:
ՀԱՅԵՐԵՆ
Русский
English
Դաս. հայերեն
French
