Մենք չենք կարող խրախուսել կամ ողջունել ցանկացած էսկալացիա․ Արարատ Միրզոյան
02-10-2024 13:55:39 | Հայաստան | Ի՞նչ է գրում մամուլը
Sputnik․ ՀՀ արտաքին քաղաքական գերատեսչության ղեկավարը հույս է հայտնել, կոնֆլիկտը հնարավորինս շուտ կհանգուցալուծվի։
Հայաստանը չի կարող խրախուսել կամ ողջունել որևէ էսկալացիա։ Այսօր Վարշավայում անվտանգության ֆորումի շրջանակում անցկացված պանելային քննարկման ժամանակ հայտարարել է ՀՀ ԱԳ նախարար Արարատ Միրզոյանը՝ պատասխանելով այն հարցին, թե արդյոք Հայաստանը մտահոգվա՞ծ է Մերձավոր Արևելքում լարվածության ավելացմամբ։
«Մենք Հայաստանում առավելագույնն ենք անում մեր տարածաշրջանում խաղաղության հասնելու համար։ Այստեղ մենք տեսնում ենք, որ հարևան այլ երկրներ միմյանց հրթիռային հարվածներ են հասցնում, իհարկե, մենք անհանգստացած ենք, իհարկե, մենք չենք կարող խրախուսել կամ ողջունել ցանկացած էսկալացիա»,- նշել է Միրզոյանը։
ՀՀ արտաքին քաղաքական գերատեսչության ղեկավարը հույս է հայտնել, որ այս կոնֆլիկտը լուծում կստանա՝ որքան հնարավոր է շուտ։
Նշենք, որ վերջին օրերին Իսրայելը պարբերաբար հրթիռակոծում է Լիբանանի տարածքը։ Հոկտեմբերի 1-ին Իրանը հրթիռային հարված է հասցրել Իսրայելին։ Առնվազն 400 բալիստիկ հրթիռ է արձակվել իսրայելական ռազմական օբյեկտների ուղղությամբ։
Իսրայելական «9» հեռուստաալիքը, հղում անելով ՑԱԽԱԼ–ին հայտնել է, որ հրթիռային գրոհը հետևանքներ է ունենալու։
ՀԱՅԵՐԵՆ
Русский
English
Դաս. հայերեն
French
