Շանհայի համագործակցության կազմակերպության անդամ երկրները դատապարտել են Իրանի ռազմական օբյեկտների վրա հարձակումը
02-11-2024 13:04:28 | Հայաստան | Ի՞նչ է գրում մամուլը
Հայկական ժամանակ. Շանհայի համագործակցության կազմակերպության անդամ երկրները խորապես մտահոգված են Մերձավոր Արևելքում իրավիճակի սրմամբ և դատապարտում են Իրանի ռազմական օբյեկտների վրա հարձակումը։
ՇՀԿ քարտուղարության տարածած հայտարարության մեջ մասնավորապես ասված է.
«Շանհայի համագործակցության կազմակերպության անդամ երկրները խստորեն դատապարտում են 2024 թվականի հոկտեմբերի 26-ին Իրանի Իսլամական Հանրապետության ռազմական օբյեկտների վրա հարձակումը: ՇՀԿ անդամ երկրները խորապես մտահոգված են Մերձավոր Արևելքում իրավիճակի սրմամբ, որը կարող է իրական սպառնալիք առաջացնել միջազգային խաղաղության, անվտանգության և կայունության համար և հանդես են գալիս այս տարածաշրջանում իրավիճակի կայունացմանն ուղղված արդյունավետ միջոցների շուտափույթ ընդունման օգտին՝ բացառապես քաղաքական և դիվանագիտական միջոցներով, միջազգային իրավունքի ընդհանուր ճանաչված նորմերի, այդ թվում՝ ՄԱԿ-ի կանոնադրությամբ ամրագրված նորմերի համապատասխան»:
ՀԱՅԵՐԵՆ
Русский
English
Դաս. հայերեն
French
