Թրամփն ու Պուտինը հեռախոսազրույց են ունեցել. քննարկել են Ուկրաինայի հետ հակամարտությունը
11-11-2024 11:56:38 | Հայաստան | Ի՞նչ է գրում մամուլը
Հայկական ժամանակ. ԱՄՆ նորընտիր նախագահ Դոնալդ Թրամփը հեռախոսազրույց է ունեցել ՌԴ նախագահ Վլադիմիր Պուտինի հետ և քննարկել Ուկրաինայում ընթացող պատերազմը։
Այս մասին հաղորդում է The Washington Post-ը՝ վկայակոչելով հեռախոսազանգից տեղյակ իր աղբյուրներին։
Հրապարակման համաձայն՝ հեռախոսազրույցը տեղի է ունեցել նոյեմբերի 7-ին։ Պուտինը և Թրամփը զրուցել են ԱՄՆ նախագահական ընտրություններում Թրամփի հաղթանակից հետո առաջին անգամ։
Ըստ The Washington Post-ի աղբյուրների՝ հեռախոսազրույցի ընթացքում Դոնալդ Թրամփը Վլադիմիր Պուտինին խորհուրդ է տվել ավելի չսրել Ուկրաինայի հետ հակամարտությունը և նրան հիշեցրել է Եվրոպայում ԱՄՆ-ի բավական մեծ ռազմական ներկայության մասին։
Թրամփը և Պուտինը նաև քննարկել են Եվրոպայում խաղաղությունը։
«Թրամփը հետաքրքրվածություն է հայտնել հետագա զրույցներ ունենալ՝ քննարկելու Ուկրաինայում պատերազմի շուտափույթ լուծման հարցը», - հավելել են լրատվամիջոցի աղբյուրները։
ՀԱՅԵՐԵՆ
Русский
English
Դաս. հայերեն
French
