Միջուկային զենքի մասին Պուտինի հայտարարությունները պետք է հաշվի առնել․ Հաքան Ֆիդան
30-11-2024 13:11:48 | Հայաստան | Ի՞նչ է գրում մամուլը
shantnews. Թուրքիայի արտգործնախարար Հաքան Ֆիդանը կոչ է արել ուշադիր դիտարկել ՌԴ նախագահ Վլադիմիր Պուտինի հայտարարությունները միջուկային զենքի մասին։
«Ռուսաստանի նախագահ Վլադիմիր Պուտինի միջուկային հռետորաբանությունը միայն որպես սպառնալիք դիտելը չափազանց պարզեցված մոտեցում կլինի: Բոլոր սովորական զենքերը, որոնք կարող էին օգտագործվել, արդեն օգտագործվել են Ուկրաինայում, բայց պատերազմը չի ավարտվել: Այդ իսկ պատճառով պետք է հաշվի առնել Պուտինի միջուկային հռետորաբանությունը»,- մեջբերում է նրա խոսքերը Yeni Safak թերթը:
Նոյեմբերի 28-ին Պուտինը հայտարարել էր, որ Ռուսաստանի Դաշնությունը ստիպված կլինի օգտագործել ոչնչացման բոլոր միջոցները, եթե Ուկրաինան ստանա միջուկային զենք։ Նա նաև նշել է, որ Ռուսաստանը թույլ չի տա Ուկրաինային միջուկային կարգավիճակ ստանալ։
ՀԱՅԵՐԵՆ
Русский
English
Դաս. հայերեն
French
