Ռուբիոն վստահեցրել է, որ ԱՄՆ-ը կշարունակի արտաքին օգնություն ցուցաբերել
07-02-2025 11:46:02 | Հայաստան | Ի՞նչ է գրում մամուլը
shantnews. Միացյալ Նահանգները կշարունակի օգնություն տրամադրել օտարերկրյա պետություններին՝ չնայած Միացյալ Նահանգների Միջազգային զարգացման գործակալության (USAID) լուծարմանը: Այս մասին հինգշաբթի օրը հայտարարել է ԱՄՆ պետքարտուղար Մարկո Ռուբիոն Դոմինիկյան Հանրապետության մայրաքաղաք Սանտո Դոմինգոյում կայացած մամուլի ասուլիսում, որտեղ նա գտնվում է այցով։
«Միացյալ Նահանգները արտաքին օգնություն կտրամադրի, բայց դա կլինի օգնություն, որն իմաստ ունի և բխում է մեր ազգային շահերից»,-ասել է Ռուբիոն։
Մեկնաբանելով USAID-ի կասեցման որոշումը՝ Ռուբիոն ընդգծել է, որ ԱՄՆ նախագահ Դոնալդ Թրամփի վարչակազմը ձգտել է «նշել ծրագրերը, որոնք աշխատում են և շարունակում են դրանք իրականացնել, ինչպես նաև բացահայտել այն ծրագրերը, որոնք չեն բխում Միացյալ Նահանգների ազգային շահերից և զբաղվել դրանցով»:
ՀԱՅԵՐԵՆ
Русский
English
Դաս. հայերեն
French
