Բաքվում «Ռուսաստանի տան» ճակատագիրը կարող է որոշվել երկու նախագահների երկխոսության արդյունքում․ Պեսկով
07-02-2025 16:00:27 | Հայաստան | Ի՞նչ է գրում մամուլը
shantnews. Կրեմլը ցավում է Բաքվում ռուսական տունը փակելու որոշման համար և չի բացառում, որ այդ հարցը կարող է քննարկվել Ռուսաստանի և Ադրբեջանի նախագահների մակարդակով, ասել է Վլադիմիր Պուտինի մամուլի քարտուղար Դմիտրի Պեսկովը։
«Մենք ցավում ենք դրա համար, մենք կարծում ենք, որ սա թյուրիմացություն է, որը կարող է լուծվել երկկողմ շփումների միջոցով»,- ասել է նա՝ մեկնաբանելով «Ռուսաստանի տան» փակումը։ Մենք այդ հարցը կբարձրացնենք մեր գործընկերների հետ տարբեր մակարդակներում: Չենք բացառում, որ այդ հարցը կարող է բարձրացվել երկու երկրների ղեկավարների երկխոսության ժամանակ»,- նշել է Կրեմլի ներկայացուցիչը։
Փետրվարի 6-ին «Ռոսսոտրուդնիչեստվոյի» ղեկավար Եվգենի Պրիմակովը հայտնել է , որ Ռուսաստանը Ադրբեջանի ԱԳՆ-ից նոտա է ստացել Բաքվում «Ռուսաստանի տան» գործունեությունը դադարեցնելու անհրաժեշտության մասին։
ՀԱՅԵՐԵՆ
Русский
English
Դաս. հայերեն
French
