Կրակային պատրաստություն, էլեկտրամոբիլների ուսուցման դասընթաց․ պարեկային ծառայողները կատարելագործում են հմտությունները

24-03-2025 17:46:01 | Հայաստան | Մամլո հաղորդագրություն

Պարեկային ծառայության կենտրոնական վարչակազմի ծառայողները կատարելագործում են կրակելու հմտությունները: Պարեկային ծառայությունում ընթանում են կրակային պատրաստության դասընթացներ։

Դասընթացից առաջ բժիշկը հետաքրքրվում է պարեկային ծառայողների առողջական վիճակով, ինչից հետո միայն սկսվում է պարապմունքը։

Առաջիկայում նախատեսվում է փուլ առ փուլ պարապմունքներ անցկացնել պարեկային ծառայության ողջ անձնակազմի հետ։

«Պարբերաբար՝ տարին մեկ կամ երկու անգամ, անցկացնում ենք կրակային պատրաստություն, որպեսզի պարեկային ծառայողները ավելի պրոֆեսիոնալ իրականացնեն իրենց գործառույթները»,- ներկայացնում է Պարեկային ծառայության պետ Արթուր Խուդինյանը:

Կրակային պարապմունքին զուգահեռ՝ շարային հրապարակում էլեկտրամոբիլների ուսուցման դասընթաց է։

Արթուր Խուդինյանի խոսքով՝ «Պարեկային ծառայությունը համալրվել է էլեկտրամոբիլներով: Այս պահին իրականացնում ենք դասընթաց, և մոտ ժամանակներում պարեկները ծառայությունը կշարունակեն էլեկտրոմոբիլներով»։

Դասընթացի ավարտին ծառայողները ստանում են համապատասխան գնահատականներ։

ՆԳՆ-ում ընթացող բարեփոխումների շրջանակում Պարեկային ծառայությունը վերազինվում է նյութատեխնիկական և տրանսպորտային նոր միջոցներով, իսկ պարեկները շարունակաբար կատարելագործում են գիտելիքներն ու հմտությունները։

Նոյյան տապան - Մամլո հաղորդագրություն

Կարդացել են 209 անգամ

Կրակային պատրաստություն, էլեկտրամոբիլների ուսուցման դասընթաց․ պարեկային ծառայողները կատարելագործում են հմտությունները

Noyan Tapan TV