Մի շարք միջոցառումներով նշվել է Արվեստի համաշխարհային օրը

15-04-2025 17:42:49 | Հայաստան | Մամլո հաղորդագրություն

Արվեստի համաշխարհային օրվա շրջանակում ՀՀ կրթության, գիտության, մշակույթի և սպորտի նախարարի տեղակալ Դանիել Դանիելյանը հետևել է Հայաստանի նկարիչների միության բացօթյա տարածքում տեղի ունեցող պլեներին: Այն անցկացվում էր Փանոս Թերլեմեզյանի անվան գեղարվեստի պետական քոլեջի սաների մասնակցությամբ:

ԿԳՄՍ նախարարի տեղակալը հաջորդիվ մասնակցել է Հայաստանի նկարիչների միությունում ցուցադրվող՝ Խաչատուր Ազիզյանին նվիրված ֆիլմի դիտմանը:

Նախարարի տեղակալի գնահատմամբ՝ այսօրինակ միջոցառումները կարևոր են ոչ միայն օրը նշանավորելու, այլև արվեստի միավորող և համաշխարհային մեծարժեք դերը ևս մեկ անգամ ընդգծելու տեսանկյունից:

Օրվա շրջանակում Հենրիկ Իգիթյանի անվան գեղագիտության ազգային և Երեխաների հատուկ ստեղծագործական կենտրոնների սաների մասնակցությամբ իրականացվել են բացօթյա դաս և ցուցահանդես, որի մուտքն ազատ է:

Նոյյան տապան - Մամլո հաղորդագրություն

Կարդացել են 167 անգամ

Մի շարք միջոցառումներով նշվել է Արվեստի համաշխարհային օրը

Noyan Tapan TV