Սլովենիայի փոխվարչապետի այցը Հայաստան նոր ազդակ կհաղորդի երկկողմ հարաբերությունների զարգացմանը. Նիկոլ Փաշինյան

15-04-2025 19:20:55 | Հայաստան | Մամլո հաղորդագրություն

Վարչապետ Նիկոլ Փաշինյանն ընդունել է պաշտոնական այցով Հայաստանում գտնվող Սլովենիայի փոխվարչապետ, արտաքին ու եվրոպական հարցերի նախարար Տանյա Ֆայոնին:

Վարչապետը ողջունել է Սլովենիայի փոխվարչապետի այցը Հայաստան և համոզմունք հայտնել, որ այն նոր ազդակ կհաղորդի երկկողմ հարաբերությունների հետագա զարգացմանը: Նիկոլ Փաշինյանն ընդգծել է երկու երկրների կառավարությունների միջև փոխգործակցության ակտիվացման անհրաժեշտությունը՝ քաղաքական, տնտեսական և այլ ուղղություններով կապերը զարգացնելու և ընդլայնելու նպատակով:

Տանյա Ֆայոնը ևս կարևորել է Հայաստանի հետ հարաբերությունների հետևողական զարգացումը և հավելել, որ ՀՀ այցի նպատակն է քննարկել երկկողմ փոխգործակցության խթանման հնարավորություններն ու հետագա քայլերը:

Նոյյան տապան - Մամլո հաղորդագրություն

Կարդացել են 272 անգամ

Սլովենիայի փոխվարչապետի այցը Հայաստան նոր ազդակ կհաղորդի երկկողմ հարաբերությունների զարգացմանը. Նիկոլ Փաշինյան

Noyan Tapan TV