ՎԱՇԻՆԳՏՈՆ, 18 ՄԱՅԻՍԻ, ՆՈՅՅԱՆ ՏԱՊԱՆ: Համաշխարհային բանկի նախագահ Պոլ Վուլֆովիցը հայտարարել է իր հրաժարականի մասին: Վաղաժամկետ հրաժարականի համար պատճառ դարձավ ՀԲ նախագահի անվան հետ կապված այն սկանդալային պատմությունը, համաձայն որի, վերջինս անհիմն կերպով բարձրացրել էր իր ընկերուհու` ՀԲ աշխատակցուհի Շահա Ռզայի աշխատավարձը, մինչդեռ նա պետք է ենթականերին իր կարծիքը հայտներ Շ. Ռզայի աշխատանքային հնարավոր առաջխաղացման մասին, այլ ոչ թե ամեն ինչ անձամբ որոշեր: Վուլֆովիցի կողմից այդ քայլը ընդունվել է որպես բանկի կանոնների եւ իր պայմանագրի կետերի խախտում: Նշենք, որ ԱՄՆ նախագահ Ջորջ Բուշը ընդունել է Պոլ Վուլֆովիցի հրաժարականը եւ հույս հայտնել, որ նա կշարունակի աշխատել ՀԲ-ում: Պոլ Վուլֆովիցը, որը ՀԲ նախագահի պաշտոնը ստանձնել էր 2005թ.` մինչ այդ աշխատելով որպես ԱՄՆ պաշտպանության փոխնախարար, իր պաշտոնից կհեռանա հունիսի 30-ին:

---