Տեղի կունենա Հանրապետական կոլեկտիվ 4-րդ պայմանագրի ստորագրման արարողությունը
23-01-2026 15:00:00 | Arménie |
Հունվարի 23-ին, ժամը՝ 15։00-ին «Հոլիդեյ ինն» հյուրանոցում (հասցե՝ Ամիրյան 2) տեղի կունենա Հանրապետական կոլեկտիվ 4-րդ պայմանագրի ստորագրման արարողությունը։
Փաստաթուղթը կստորագրվի ՀՀ կառավարության (ի դեմ՝ ՀՀ աշխատանքի և սոցիալական հարցերի նախարարության), Հայաստանի արհմիությունների կոնֆեդերացիայի և Հայաստանի գործատուների հանրապետական միության միջև։
Միջոցառմանը կմասնակցեն և բացման խոսքով հանդես կգան Աշխատանքի և սոցիալական հարցերի նախարար Արսեն Թորոսյանը, Հայաստանի արհմիությունների կոնֆեդերացիայի Էլեն Մանասերյանը, Հայաստանի գործատուների հանրապետական միության նախագահ Վահագն Համբարձումյանը։
Հանրապետական կոլեկտիվ 4-րդ պայմանագրով սահմանվում են Հայաստանի Հանրապետության սոցիալ-աշխատանքային և դրա հետ կապված սոցիալ-տնտեսական հարաբերությունների շրջանակում կողմերի միջև համագործակցության ուղղությունները։
FRENCH 
Հայերեն
Русский
English
Դաս. հայերեն