Communiqué de presse

Կլոր սեղան՝նվիրված հատուկ կարիքներով երեխաների և խնամակալների սոցիալական պաշտպանության համակարգի հզորացմանը Հայաստանում

  • 09-11-2012 15:00:00   | Arménie  |  

 

Նոյեմբերի 9-ի, ժամը՝ 15:00-ին «Կոնգրես» հյուրանոցի Պիկասո սրահում տեղի կունենա «Հատուկ կարիքներով երեխաների և խնամակալների շահերի պաշտպանություն» ծրագրի շրջանակներում կազմակերպված կլոր սեղանը, որն ուղղված է պետական նպաստների մասին ՀՀ օրենքում լրացումներ կատարելու միջոցով հատուկ կարիքներով երեխաների և խնամակալների սոցիալական պաշտպանության համակարգի հզորացմանը Հայաստանում:   
Քննարկմանը ներկա կլինեն Իզաբել Գինելը՝Հայաստանում Ֆրանսիայի դեսպանության Առաջին խորհրդականը, Ալեն Տուհադյանը՝ՖՀԶՀ հոգաբարձուների խորհրդի նախագահը,ինչպես նաև քաղաքականություն մշակողներ, փորձագետներ, ոլորտի մասնագետներ և հիմնախնդիրը կրող անձինք: 
Կլոր սեղանին կներկայացվեն ոլորտը կարգավորող օրենսդրական դաշտի վերլուծությունը և խնդրի լուծման հնարավոր տարբերակները: 
Կազմակերպված հանդիպումը մաս է կազմում Ֆրանս-հայկական զարգացման հիմնադրամի ութ տարիների օրակարգում առաջնահերթություն հանդիսացող հատուկ կարիքներ ունեցող երեխաների շահերի պաշտպանության ռազմավարության և միտված է ընտանիքում խնամքի ապահովման անհրաժեշտ պայմանների խթանմանը Հայաստանում: 
 
 
 
  -