«Նովոստի» միջազգային մամուլի կենտրոնում տեղի կունենա Հայաստանում առաջին տեղեկատվական համակարգի` www.mediagid.am-ի շնորհանդեսը
30-11-2010 13:00:00 | |
Նոյեմբերի 30-ին, 13:00-ին «Նովոստի» միջազգային մամուլի կենտրոնում (Վարդանանց 7) տեղի կունենա Հայաստանում առաջին տեղեկատվական համակարգի` www.mediagid.am-ի շնորհանդեսը:
MediaGid-ը լուրերի ավտոմատ մշակման եւ համակարգման համակարգ է: MediaGid ստացվող տվյալները վերլուծության են ենթարկվում հատուկ ծրագրի կողմից, որը բովանդակությամբ մոտ նյութերը միավորում է սյուժեների մեջ, որոնք կատեգորիաների են բաժանված:
www.mediagid.am կայքի տեղեկատվությունը ներկայացված է համակարգի գործընկերների` հայկական առաջատար ԶԼՄ-ների կողմից: Համակարգի գլխավոր սկզբունքներն են` հրատապություն, արդիականություն, մատչելիություն, անկողմնակալություն աղբյուրների նկատմամբ: Կայքի ինքնատիպ նորույթներից է հանրաճանաչության ցուցիչն ըստ կատեգորիաների` մարդիկ, ընկերություններ, սպորտ, շոու-բիզնես:
MediaGid ազգային տեղեկատվական համակարգը նաեւ գործընկերային հատուկ ծրագիր է մշակել ԶԼՄ-ների համար, ինչը նրանց հնարավորություն կտա բարձրացնել իրենց լսարանների այցելությունները եւ ընդլայնել դրանք: