Նոյեմբերի 18-ին, ժամը 13:30-ին «Նովոստի» միջազգային մամուլի կենտրոնում (Վարդանանց 7) տեղի կունենա Տեղեկատվական տեխնոլոգիաների տարածաշրջանային ամենամյա երրորդ համաժողովին (GITI) մասնակցած հայկական ընկերությունների ներկայացուցիչների մամուլի ասուլիսը:

Մամուլի ասուլիսի մասնակիցներն են` X-TECH-ի ներկայացուցիչ Արման Աթոյանը, Idram-ի ներկայացուցիչ Աննա Գրիգորյանը, EKENG-ի ներկայացուցիչ Գայանե Նալբանդյանը, LimeTech-ի ներկայացուցիչ Գեւորգ Սաֆարյանը, Essential Solutions-ի ներկայացուցիչ Գարիկ Պետրոսյանը:

GITI-ի համաժողովն անցել է նոյեմբերի 10-12-ը Թբիլիսիում: Միջոցառման նպատակն է խթանել Կենտրոնական Եվրոպայի, Բալթյան երկրների, Կովկասի եւ Միջին Արեւելքի մասնավոր հատվածների, ՏՏ-ընկերությունների եւ ՏՏ -ասոցիացիաների համագործակցությունը:

Հայկական պատվիրակության կազմում 13 ընկերություն է եղել: Հայկական ընկերությունները հինգ անվանակարգերում հաղթող են ճանաչվել, այդ թվում` «Լավագույն մուլտիմեդիոն նախագիծ», «Տարվա լավագույն ինտեգրատոր», «Լավագույն բիզնես որոշում», «ՏՏ-նախագծի լավագույն առաջարկ», «Լավագույն B2B որոշում»:

---