Երևանի պետական կոնսերվատորիայում առաջին անգամ տոնական միջոցառմամբ նշվելու է ԵՊԿ շրջանավարտի օրը
07-05-2021 14:00:00 | Армения |
ԵՊԿ-ում մայիսի 7-ը այսուհետև կնշվի որպես կոնսերվատորիայի շրջանավարտի օր։ Այդ օրը՝ ժամը 14:00-ին, կոնսերվատորիայում կհավաքվեն տարբեր ժամանակների ԵՊԿ շրջանավարտները։
Կոնսերվատորիայի յուրաքանչյուր հարկում կներկայացվի բազմաժանր համերգային ծրագիր․ ճեմասրահում հյուրերին կդիմավորի ԵՊԿ ուսանողական նվագախումբը (դիրիժոր և գեղարվեստական ղեկավար՝ Նատալի Գալստյան), երկրորդ հարկում՝ լարային կվարտետ, երրորդ հարկում ելույթ կունենա քանոնահարների անսամբլը։ Տոնական միջոցառումը կավարտվի ԵՊԿ Ակուստիկ լաբորատորիայում՝ ջազ համերգով և ռեկտոր Սոնա Հովհաննիսյանի ուղերձով։ Միջոցառման ընթացքում հյուրերին կներկայացվեն նաև կոնսերվատորիայի առաջիկա ծրագրերը և զարգացման տեսլականը։