«Շարունակական բժշկական կրթություն» ծրագրի 15-ամյակին նվիրված միջոցառում
08-05-2021 11:00:00 | Армения |
Հայ օգնության ֆոնդի (ՀՕՖ) նախաձեռնած՝ Հայաստանի մարզերի և Արցախի բուժհաստատություններում աշխատող բժիշկների՝ «Շարունակական բժշկական կրթություն» ծրագիրն արդեն 15 տարեկան է։
Լրատվամիջոցներին սիրով հրավիրում ենք լուսաբանելու Հայաստանի առողջապահության ոլորտի համաչափ զարգացմանը մեծապես նպաստող ծրագրի 15-ամյակին նվիրված միջոցառումը, որը տեղիկունենա մայիսի 08-ին, ժամը՝ 11:00-ին, Առողջապահության նախարարության Հանրապետական գիտաբժշկական գրադարանում։ Հասցե՝ Ռուբինյանց 29/3:
2005 թվականին մեկնարկած ծրագրի նպատակն է բարելավել ՀՀ մարզերի և Արցախի Հանրապետության բնակչության առողջապահական սպասարկման որակը՝ աջակցելով ՀՀ մարզերում և Արցախում աշխատող բժիշկների շարունակական մասնագիտական զարգացմանը, մասնագիտական նոր գիտելիքների և հմտությունների ձեռքբերմանը, մասնագիտական նոր մեթոդների և տեխնոլոգիաների յուրացմանը, ՀՀ մարզերի ու Արցախի բուժհաստատությունների միջև շարունակական կապի ձևավորմանը:
Մինչ օրս «Շարունակական բժշկական կրթություն» ծրագրի շրջանակներում Երևանում գործնական մասնագիտական երկշաբաթյա և չորսշաբաթյա անվճար վերապատրաստման դասընթացներին մասնակցելու հնարավորություն են ունեցել 1300 բժիշկներ ՀՀ մարզերից ու Արցախի Հանրապետությունից, որոնք 2011 թվականից ծրագրում ընդգրկվել են՝ Ամերիկահայ բժիշկների միության ֆինանսական աջակցությամբ:
Ավելին, ՀՕՖ-ի և Ամերիկահայ բժիշկների միության հետ կուռ համագործակցության արդյունքում մարզային հիվանդանոցները համալրվել են բժշկական սարքավորումներով, ստեղծվել է մարզային բժիշկների արդյունավետ գործող ցանց:
РУССКИЙ 
Հայերեն
English
Դաս. հայերեն
French