Մայիսի 8-ին, ժամը 12:00-ին հրավիրում ենք «Աստղիկ» բժշկական կենտրոն` մամլո ասուլիսի:
Հաշվի առնելով պատերազմում վիրավորում ստացած բազմաթիվ զինծառայողների կարիքները, առողջական խնդիրները և ցանկանալով ներդրում ունենալ հայրենակիցների բուժման գործում` Մոսկվայից Երևան է ժամանել նեյրովիրաբույժ, բժշկական գիտությունների թեկնածու Վիլեն Ազիզյանը: Բժիշկը կատարում է անվճար վիրահատություններ VIVA բարեգործական հիմնադրամի աջակցությամբ՝ «Աստղիկ» բժշկական կենտրոնի մասնագիտական թիմի հետ միասին, ինչպես պատերազմից տուժած անձանց, այնպես էլ ՀՀ քաղաքացիներին:
Բոլոր վիրահատություններն իրականացվում են VIVA հիմնադրամի կրթական և բժշկական բարեգործական ծրագրերի շրջանակներում, որը հիմնադրամը վարում է վերջին 5 տարիների ընթացքում:
Բժիշկը հետազոտել է նախապես գրանցված հիվանդներին և կատարելու է հիպոֆիզի ուռուցքների հեռացում:
Հաշվի առնելով մասնագիտական թիմը և կենտրոնի տեխնիկական գերազանց հագեցվածությունը` վիրահատությունները իրականացվելու են «Աստղիկ» բժշկական կենտրոնում՝ տեղի նեյրովիրաբույժների թիմի հետ միասին:
РУССКИЙ 
Հայերեն
English
Դաս. հայերեն
French
