Հոկտեմբերի 6-ին, ժամը 12-ին Խ. Աբովյանի անվան հայկական պետական մանկավարժական համալսարանում/ հասցեն` Տիգրան Մեծ 17, 3-րդ հարկ/ տեղի կունենա ՀՀ-ում «Ռոսսոտրուդնիչեստվո» Դաշնային գործակալության ներկայացուցչության եւ Խ. Աբովյանի անվան հայկական պետական մանկավարժական համալսարանի միջեւ կրթության ոլորտում համագործակցության պայմանագրի ստորագրում:

Այս համագործակցության պայմանագիրը ենթադրում է համատեղ ծրագրերի իրականացում ՀՊՄՀ-ի եւ ՌԴ գիտական ու կրթական հաստատությունների միջեւ, ինչպես նաեւ նյութատեխնիկական բազայի համալրում ժամանակակից կրթական տեխնոլոգիաներով, կրթության որակի բարձրացման նպատակով վերապատրաստման դասընթացների անցկացում, գիտական եւ ուսումնական գրականության թարգմանություններ եւ հրատարակություններ:

Համագործակցության պայմանագիրը կստորագրեն ռուսական կողմից ՀՀ-ում ՌԴ դեսպանության խորհրդական, ՀՀ-ում «Ռոսսոտրուդնիչեստվո» Դաշնային գործակալության ներկայացուցչության ղեկավար Վիկտոր Կրիվոպուսկովը, հայկական կողմից` ՀՊՄՀ ռեկտոր Ռուբեն Միրզախանյանը:

---