Բակո Սահակյանը հունվարի 25-ին այցելել է Ասկերանի շրջան
25-01-2014 17:14:21 | | Пресс-релизы
Արցախի Հանրապետության Նախագահ Բակո Սահակյանը հունվարի 25-ին այցելել է Ասկերանի շրջան:
Պատարա եւ Խանցք գյուղերում Նախագահը ծանոթացել է համայնքային կենտրոնների շինարարական աշխատանքներին:
Խանցք գյուղում Բակո Սահակյանը նաեւ հանդիպում է ունեցել համայնքի ներկայացուցիչների հետ եւ քննարկել գյուղում առկա հիմնախնդիրների ու դրանց լուծման ուղիների հետ կապված հարցեր:
Աստղաշեն գյուղում Նախագահ Սահակյանն այցելել է տեղի մշակույթի կենտրոն եւ ծանոթացել նրա աշխատանքներին:
Երկրի ղեկավարը կարեւորել է գյուղական բնակավայրերի համաչափ զարգացումը` նշելով, որ այն ունի կարեւորագույն նշանակություն Արցախի համար տնտեսական, ժողովրդագրական եւ այլ տեսանկյուններից:
Նախագահին ուղեկցում էին Ազգային Ժողովի խոսնակ Աշոտ Ղուլյանը, պաշտոնատար այլ անձինք: