Առողջապահության նախարարություն. ասուլիս COVID-19-ի դեմ պատվաստանյութերի ձեռքբերման վերաբերյալ
12-04-2021 12:00:00 | Հայաստան |
Ապրիլի 12-ին, ժամը 12:00-ին առողջապահության նախարարությունում (Կառավարական տուն N 3, 2-րդ հարկ, կոլեգիայի մեծ դահլիճ) տեղի կունենա մամուլի ասուլիս` Հայաստանում COVID-19-ի դեմ պատվաստանյութերի ձեռքբերման, բաշխման և պատվաստման գործընթացը սկսելու վերաբերյալ:
Նշենք, որ Հայաստանը ձեռք է բերել «AstraZeneca» և «Sputnik V» պատվաստանյութերը` համապատասխանաբար 24000 և 15000 խմբաքանակներով, որոնցով առաջնահերթ պատվաստվելու են ռիսկային խմբերում ընդգրկված անձինք:
Բանախոսներն են` ՀՀ առողջապահության նախարար Անահիտ Ավանեսյանը, ՀՀ ԱՆ Հիվանդությունների վերահսկման և կանխարգելման ազգային կենտրոնի գլխավոր տնօրեն Արտավազդ Վանյանը և Իմունականխարգելման ազգային ծրագրի ղեկավար Գայանե Սահակյանը: