«Մարմարա» Ատրպէյճան Ղարապաղի Պաշտպանութեան բանակի զօրքերուն հետ սահմանի երկայնքին պաշտպանական պատ մը կը կառուցանէ։ Ատրպէյճանական լրատուամիջոցներ կը յայտնեն որ Ղարապաղի Մարտակերտ շրջանի սահմանակից Չըրաղլը գիւղին մօտ արդէն կառուցուած է երեք մեթր բարձրութեամբ ու 700 մեթր երկարութեամբ պատ մը։ »Հայ նշանառունէն պաշտպանուելու« նպատակով սահմանի երկայնքին պատ կառուցանլու գաղափարը 2006էն ի վեր կը քննարկուի Ատրպէյճանի մէջ։ Պատի շինութեան կողմնակցիներ կը կարծեն որ այդ քայլը հոգեբանական կարեւորութիւն պիտի ունենայ ու »պիտի ստիպէ որ ազերի ժողովուրդը յիշէ թէ ո՞վ է իր դրացին«։ Նշենք որ հակամարտող ժողովուրդները պատով անջատելու կամ հակառակորդներէն պաշտպանելու նպատակով երկրի սահմանները պարսպապատելու նախադէպերը յայտնի են հնագոյն ժամանակներէն ի վեր։ Հին աշխարհէն ներս այդպիսի ամենայայտնի օրինակը չինական մեծ պատն է։ Նորագոյն ժամանակներէն ամենայայտնին՝ ցուրտ պատերազմի ամենախորհրդանշական Պերլինի պատը, որ քանդուեցաւ 1989ին։ Նաեւ Իսրայէլի պետութիւնը 2003ին սկսած է պատ մը հիւսել Յորնանան գետի արեւմտեան ափի վրայ։ Պատը ունի ութ մեթր բարձրութիւն եւ կը փորձէ այդպէս Իսրայէլը պաշտպանել պաղեստինցիներէն։ Պատը փաստացի սահման կը հանդիսանայ Իսրայէլի ու Պաղեստինի միջեւ։

---