Հոկտեմբերի 8-14-ին Կորեայում, մասնակցությամբ 154 երկրների եւ շուրջ 400 թղթակից անդամների, կայացել է ՄԱԿ Զբոսաշրջության Համաշխարհային Կազմակերպության (UNWTO) Գլխավոր Ասամբլեայի 19-րդ նստաշրջանը: Նստաշրջանի շրջանակներում կազմակերպված զբոսաշրջային պաստառների Vettor Giusti առցանց քվեարկությամբ ցուցահանդես-մրցույթին, որին մասկացել են ՄԱԿ ԶՀԿ անդամ պետությունները, People's Choice Award անվանակարգում Հայաստանի պաստառը ճանաչվել է լավագույնը: ՄԱԿ Զբոսաշրջության Համաշխարհային Կազմակերպության գլխավոր քարտուղար Թալեբ Ռիֆային ցուցահանդես-մրցույթի գլխավոր մրցանակը հանձնել է ՀՀ էկոնոմիկայի նախարարի տեղակալ Արա Պետրոսյանին:

---