Անգլիայի հաւաքականի նախկին ֆուտբոլիստ Մայքլ Օուենը համաձայնել է երկարացնել իր պայմանագիրը անգլիական Մանչեսթեր Իւնայթեդի հետ եւս մէկ տարով: Խօսակցութիւններ կային, թէ անգլիացին այս ամառ կը լքի Օլդ Տրաֆորդը` 2 ոչ այնքան յաջող տարիներ անցկացնելու եւ հիմնական կազմում չընգրկուելու պատճառով։ Սակայն 31-ամեայ ֆուտբոլիստը բազմիցս յայտարարել է Մանչեսթերում մնալու ցանկութեան մասին: «Ես շատ գոհ եմ այս որոշման համար: Այսպիսի բացառիկ մարզիչի գլխաւորութեամբ խաղալ այս հրաշալի ֆուտբոլիստների հետ` ինձ համար իսկական ոգեշնչում է: Անհամբեր սպասում եմ յաջորդ մրցաշրջանի սկսելուն»,- ասել է Օուենը: Մանչեսթեր Իւնայթեդի գլխաւոր մարզիչ Սըր Ալեքս Ֆերգիւսոնը խոստացել է յարձակուողին աւելի շատ հնարաւորութիւններ տալ միւս մրցաշրջանում:

---