Ինչպէս տեղեկացնում են ՀՀ ոստիկանութեան մամլոյ ծառայութունից, կառավարութեան բնականոն գործունէութիւնն ապահովելու, ինչպէս նաեւ հնարաւոր իրաւախախտումները կանխելու եւ խափանելու, հաւաքի իրաւախախտ մասնակիցների նկատմամբ ուժի գործադրումը հնարաւորինս բացառելու նկատառումներով` ղեկավարուելով «Հաւաքների ազատութեան մասին» Հայաստանի Հանրապետութեան օրէնքի 32-րդ յօդուածի 1-ին մասի 4-րդ եւ «Ոստիկանութեան մասին» Հայաստանի Հանրապետութեան օրէնքի 2-րդ յօդուածի 2-րդ կէտերով եւ 12-րդ յօդուածով, սոյն թուականի հոկտեմբերի 27-ին ՀՀ ոստիկանութիւնը ՀՀ կառավարութեան նստավայրի առջեւ կազմակերպուած հաւաքի մասնակիցներին առաջարկել է հաւաքն անցկացնել ՀՀ կառավարութեան շէնքին հարող տարածքում: ՀՀ ոստիկանութեան կողմից հաշուի է առնուել այն հանգամանքը, որ ՀՀ կառավարութեան նախորդ նիստերի ընթացքում Հայաստանի Հանրապետութեան կառավարութեան նստավայրի առջեւ կազմակերպուած հաւաքի մի խումբ մասնակիցնէր, որոնք վերստին ժամանում էին հաւաքի վայր, պարբերաբար եւ տեւական ժամանակահատուածի ընթացքում խոչընդոտել են Կառավարական տուն 1 շէնք ազատ մուտքն ու ելքը, ինչպէս նաեւ թոյլ են տուել անպարկեշտ, վիրաւորական արտայայտութիւններ, սադրել բախումներ ոստիկանութեան ծառայողների եւ հաւաքի մասնակիցների միջեւ:

---