«Երկիր եւ Մշակոյթ» կազմակերպութեան ամառնային արշաւները յաջողութեամբ պսակուեցան
29-10-2011 11:55:44 | | Ի՞նչ է գրում սփյուռքի մամուլը
«Երկիր եւ Մշակոյթ» կազմակերպութեան վարչութեան Փարիզի մասնաճիւղը կը յայտնէ, թէ 2011ի ամառնային արշաւները յաջողութեամբ պսակուեցան:
Շաբաթ, Օգոստոս 20ին տեղի ունեցաւ Եղվարդի Սուրբ Աստուածածին եկեղեցւոյ բացման արարողութիւնը: Օծումը տեղի ունեցաւ քանի մը օր վերջ: Եկեղեցին, որ 2007էն ի վեր ամբողջութեամբ նորոգուեցաւ «Երկիր եւ Մշակոյթ»ին կողմէ, ներկայիս բաց է պաշտամունքի:
«Երկիր եւ Մշակոյթ»ը ներկայիս ծրագիրներ կ'իրագործէ Եղվարդի, Գորիսի, Նորավանքի, Նալպանտի մէջ:
Ամառնային արշաւներէն ետք, կազմակերպութեան մասնաճիւղերու աշնանային գործունէութիւնը կը սկսի առաջին հանդիպումով մը, որ տեղի կ?ունենայ Կիրակի՝ Հոկտեմբեր 30ին՝ ժամը 16ին, «Անաքօ» տափանաւուն մէջ:
Առաջին բաժնին մէջ կամաւորներու եւ վարչականներու կողմէ կը ներկայացուին ամառնային արշաւները՝ նկարներու լուսարձակմամբ: Հարցում-պատասխանի բաժին մը կը հետեւի ներկայացման:
Երկրորդ բաժինը կը յատկացուի վիճարկումի մը՝ նպատակ ունենալով «Երկիր եւ Մշակոյթ»ի Փարիզեան մասնաճիւղը վերակազմակերպել, Կազմակերպութեան կատարած գործը աւելի արդիւնաբեր դարձնել, սերունդներու միջեւ կապերը ամրապնդել, գործունէութեանց հովանաւորումը ապահովել, եւլն.:
Կը հրաւիրուին անդամները, կամաւորներն ու բոլոր անոնք, որոնք հետաքրքրուած են «Երկիր եւ Մշակոյթ»ի գործունէութեամբ:
«Անաքօ» տափանաւ՝
61 quai de la Seine,
Bassin de la Villette, Paris 19e.
Metro : Riquet, Stalingrad
ou Jaurès.
«Նոր Յառաջ»