ՀՀ Տնտեսական մրցակցութեան պաշտպանութեան պետական յանձնաժողովը կարագի ներկրմամբ եւ իրացմամբ զբաղուող տնտեսվարողների փաստաթղթաշրջանառութեան ուսումնասիրութեամբ յայտնաբերել է մի շարք խախտումներ, որոնք էլ կասկած էն յարուցել նրանց գործունէութեան հանդէպ: Յանձնաժողովի նախաձեռնութեամբ Երեւան քաղաքի խոշոր խանութներում կատարուել էն կարագի հսկիչ գնումներ: Գնուած մթերքը յանձնուել է լաբորատոր փորձաքննութեան: Փորձաքննութեան արդիւնքներով եւս հաստատուել է, որ մի շարք տնտեսվարողներ խաբում եւ մոլորեցնում էն սպառողներին` կարագի անուան տակ վաճ առելով գնային եւ որակական առումով էապէս տարբեր սննդամթերք` բուսասէրուցքային սպրէդ, որը տեսքով գրեթէ չի տարբերւում կարագից եւ բնականաբար շատ աւելի էժան է: յանձնաժողովի դիտարկմամբ, այն տնտեսվարողները, որոնք բուսասէրուցքային սփրեդը վաճառել էն կարագի անուան տակ անհաւասար մրցակցային պայմաններում էն յայտնուել բարեխիղճ տնտեսվարողների նկատմամբ` ստանալով մրցակցային լուրջ առաւելութիւններ: իրաւախտումները կատարուել էն 2 ճանապարհով: Մի դէպքում տնտեսվարողները ներկրել էն բուսասէրուցքային սփրէդ, սակայն այն առեւտրի կէտերին իրացրել էն կարագի անուան տակ: Այդ ներկրողներն էն «Բիո-ֆուդ», «Բրենդ Լիդէր», «Կարթել-աննա», «Ֆելիքս-սարգ»եւ «Արդիս»Սպը-ները: Յանձնաժողովը բացայայտել է նաեւ դէպքեր, երբ սպառողին խաբել է ոչ թէ ներկրողը, այլ հէնց սուպերմարկետը, որը, փաստաթղթերով մատակարարից գնել է բուսասէրուցքային սփրէդ, սակայն այն վաճառել է որպէս կարագ: Այդ ընկերութիւններն էն «Ալեքս Գրիգ», «Սաս Գրուպէ, «Սթար Դիւայդ», «ֆրեշէ, «Նոր Զովք» Սպը-ները: Տեղեկացնենք, որ վերոնշեալ բոլոր ընկերութիւնները Յանձնաժողովի որոշմամբ մանրածախ առեւտրի ոլորտում հանդիսանում էն գերիշխող: Եւ հէնց այդ պատճառով էլ Յանձնաժողովը ուսումնասիրութիւններն իրականացրել է այդ ընկերութիւների սուպերմարկետներում եւ չի բացառւում, որ նման խախտումներ թոյլ էն տալիս նաեւ այլ խանութներ, որոնք Յանձնաժողովի տեսադաշտից դուրս էն: ինչպէս տեղեկացնում է ՏՄՊՊՀ մամուլի քարտուղար Գայիանէ Սահակեանը, չարաշահող ընկերութիւնները հիմնականում ընդունեցին իրենց խախտումը` խոստանալով յետագայում բացառել նման դէպքերի կրկնութիւնը: Ի դէպ, Յանձնաժողովը մոնիտորինգի միջոցով արդէն պարզել է, որ խախտումներն այս ընկերութիւններում վերացուած էն: Հաշուի առնելով, որ բոլոր դէպքերում էլ իրաւախախտման բնոյթը նոյնն է, անբարեխիղճ մրցակցութեան դրսեւորման համար ՏՄՊՊՀ որոշմամբ սահմանուեց 3 մլն դրամ տուգանք` իւրաքանչիւր իրաւախախտման նկատմամբ: Տուգանքի ընդհանուր չափը կը կազմի 30 մլն դրամ: համաձայն օրէնքի, տնտեսվարողի ցանկացած վարքագիծ, որը կարող է մոլորեցնել հասարակութեանը նրա առաջարկած ապրանքների վերաբերեալ, համարւում է անբարեխիղճ մրցակցութեան գործողութիւն: միեւնոյն ժամանակ Յանձնաժողովը տուգանուողներին զգուշացրեց, որ երկրորդ անգամ նման խախտումներ յայտնաբերելու դէպքում տուգանքի չափն անհամեմատ աւելի մեծ կը լինի: ի դէպ, վերոնշեալ բացայայտումներն աննախադէպ էն այն առումով, որ մինչ այս տնտեսվարողների գործունէութեան նման լայնածաւալ փաստաթղթային ուսումնասիրութիւն եւ զուգահեռաբար լաբորատոր փորձաքննութիւն չի իրականացուել: տմպպհ-ը ուսումնասիրութիւնների ողջ փաթեթը կ'ուղարկի նաեւ ՀՀ Գիւղատնտեսութեան նախարարութեան Սննդամթերքի անվտանգութեան պետական ծառայութիւն: Կարագի փոխարէն սփրէդ վաճառած օրինախախտ ընկերութիւնները տուգանուեցին ընդհանուր առմամբ 30 մլն դրամով

---