Բաց նամակ Երեւան քաղաքի քաղաքային իշխանութիւններին
24-11-2011 15:31:27 | Հայաստան | Քաղաքական
Մենք` ներքոստորագրեալ երեւանցիներս, Երեւանի քաղաքային իշխանութիւններից պահանջում ենք, որ Արամի 30 հասցէում գտնուող կառոյցը պահպանուի իր տեղում, քանզի նշուած կառոյցը`
1. գտնւում է մի փողոցում, որի ճարտարապետական համատեքստային տրամաբանութիւնը փոփոխելն անընդունելի է, քանի որ դրանով կը վերանայ զբօսաշրջիկներին գրաւող եւ երեւանցիների համար հարազատ քաղաքային իւրայատուկ կոլորիտն ու գեղագիտական արժէքը,
2. հանդիսանալով քաղաքի կենտրոնում պահպանուած` 19-րդ դարի սակաւաթիւ կառոյցներից մէկը եւ միաժամանակ` կարմիր տուֆից կառուցուած բացառիկ շինութիւն` ըստ էութեան յուշարձան է, որն առանձնանում է ճարտարապետական հին եւ իւրատիպ յօրինուածքով,
3. ապամոնտաժման համար դեռեւս չկայ հաստատուած որոշում, ուստի անհասկանալի է, թէ ինչու է արդէն շօշափւում շէնքը «Քանդելու» գաղափարը. իսկ եթէ որոշում, այնուամենայնիւ, ընդունուել է, ապա հանրութեանը պէտք է նախապէս տեղեկացուէր այդ մասին,
4. պատմական կորիզի մի մասն է կազմում, քանի որ Երեւանի պատմութեան մի զգալի շերտ ներկայացուած է քաղաքի կենտրոնում կանգուն մնացած` արդէն իսկ սակաւաթիւ շէնքերով, ուստի պատմական այդ կորիզի յետագայ ձեւախեղումը ենթադրող ցանկացած քաղաքաշինական գործընթաց, բացարձակապէս անընդունելի է,
5. ոչնչացնելու ցանկացած մտադրութիւն, ինչպէս նաեւ Հհ-ում պատմամշակութային նշանակութիւն ունեցող այլ կառոյցների գոյութեան նկատմամբ ցանկացած ոտնձգութիւն խոցելի է դարձնում նաեւ արտերկրում հայկական պատմամշակութային յուշարձանների պահպանութեան պետական քաղաքականութիւնը:
Մենք գտնում ենք, որ քանի դեռ հանրային քննարկման չի դրուել Աբովեան, Արամի եւ Նալբանդեան փողոցներով պարփակուած հատուածի քաղաքաշինական ամբողջական լուծման հարցը, քաղաքի տուեալ հատուածում կատարուող բոլոր ձեւափոխութիւնները պէտք է սառեցուէն, եւ տարածքը չպէտք է ենթարկուի որեւէ փոփոխութեան:
«Մեր քաղաքը» հանրային քաղաքացիական նախաձեռնութիւն
«Մենք ենք այս քաղաքի տէրը» քաղաքացիական նախաձեռնութիւն
«Պետականկարիքներիզոհեր» ՀԿ
«Հոյսիկամուրջ» ՀԿ
«Փրկենք յուշարձանները» նախագիծ
Թրանսփարէնսիինթերնեշնլ հակակոռուպցիոն կենտրոն
Հայկ Բիանջեան, ֆոտոլրագրող
Նունեգրիգորեան, լրագրող
Վարդուհիհարութիւնեան- տնտեսագէտ, բնապահպան