Նոյեմբերի 29-ին Կենտրոնական բանկի նախաձեռնութեամբ Գաւառ քաղաքում բացուել է «Հայաստանի դրամաշրջանառութեան պատմութիւնը» ցուցահանդէսը, որի նպատակն է Գեղարքունիքի մարզի բնակիչներին ներկայացնել ազգային դրամի եւ դրամաշրջանառութեան պատմութիւնը, ծանօթացնել ԿԲ գործունէութեանը: ինչպէս տեղեկացնում էն ԿԲ հասարակայնութեան հետ կապերի ծառայութիւնից, ցուցահանդէսը կտեւի մինչեւ դեկտեմբերի 5-ը: Մարզի իշխանութիւնների աջակցութեամբ կը կազմակերպուէն դպրոցականների եւ ուսանողների այցելութիւններ ցուցահանդէս: երեւանի դպրոցականներն ունէն նման հնարաւորութիւն, նրանք այցելում էն Կենտրոնական բանկ եւ ծանօթանում էն բանկի գործունէութեանն էքսկուրսիաների միջոցով: Կենտրոնական բանկի այս նախաձեռնութեան նպատակն է նմանատիպ հնարաւորութիւններ ընձեռել նաեւ մարզերի աշակերտների, ուսանողների եւ բնակչութեան համար: ցուցահանդէսի բացմանը Կենտրոնական բանկի խորհրդի անդամ Արմէնակ Դարբինեանը նշել է, որ ֆինանսական ծառայութիւնների գնալով ընդլայնուող ոլորտն իր պահանջն է դնում հասարակութեան առջեւ` հասկանալու եւ տիրապետելու ֆինանսական գործիքներին եւ հիմնական տնտեսական հասկացութիւններին: ցուցահանդէսի ընթացքում Կենտրոնական բանկի աշխատակիցները դասախօսութիւններ էն կարդալու ցուցահանդէսի այցելուների եւ ուսանողների համար: ազգային դրամի պատմութեան ցուցահանդէսներ էն կազմակերպուել Վանաձորում, Ստեփանակերտում, Իջեւանում, Եղէգնաձորում եւ Գիւմրիում:

---