Վճռաբեկ Ատեանը որոշած է, որ այդ թափուր գետինները «Մշակոյթի հետքեր» էն
08-12-2011 09:33:59 | | Ի՞նչ է գրում սփյուռքի մամուլը
Թրքական «Սապահ» թերթի Դեկտեմբեր 6ի թիւով կը հաղորդուէր, որ Թուրքիոյ Վճռաբեկ Ատեանը անատոլիացի Հայերուն ի նպաստ որոշում արձակած է:
Սասունցի Հայերու Միութիւնը 2008ին դատարան դիմած էր՝ հայկական պատմական վայրերու բնութագրումին կապակցութեամբ: Արդարեւ, դարաւոր անցեալ ունեցող նախկին հայապատկան եկեղեցիներու եւ գերեզմանոցներու վայրերը պետական կալուածային տոմարներու մէջ արձանագրուած են որպէս «թափուր գետին, անտառ, լքեալ տուն»: Սասունցիներու Միութիւնը իր բողոք-դիմումով պահանջած էր, որ անոնք որակուին որպէս «Մշակոյթի հետքեր»:
Վճռաբեկ Ատեանը, գոհացում տալով դիմումին, որոշած է, որ այդ թափուր գետինները «Մշակոյթի հետքեր» են:
Սասունցի Հայերու Միութիւնը կազմուած է Պոլսոյ մէջ, նախկին Սասունցի, Պիթլիսցի, Պաթմանցի, Մշեցի, Վանեցի Հայերէ: Անոնք անվհատ պայքար կը մղեն, որպէսզի այժմ աւերակի վերածուած կամ հիմնայատակ քանդուած հողերը՝ «Մշակոյթի բեկորներ կամ անբռնաբարելի գետիններ»ու բնութագրում ստանան:
«Նոր Յառաջ», Դեկտեմբեր 8, թիւ 299