«ՎՏԲ-հայաստան բանկ»` ՀՀ բանկային համակարգում ֆակտորինգային ծառայութիւնների մատուցման ոլորտի առաջատարներից մէկը
08-12-2011 10:21:57 | Հայաստան | Տնտեսութիւն
ՎՏԲ-Հայաստան բանկը ֆակտորինգային պրոդուկտի ստեղծման ծրագրի իրականացմանը ձեռնամուխ եղավ 2010թ. դեկտեմբերին, եւ արդեն 2011թ. մարտից ապահովեց ֆակտորինգային ծառայությունների տրամադրումը ՀՀ բանկային շուկայում` դրանով իսկ էլ ավելի նպաստելով իրավաբանական անձանց-հաճախորդների համար նախատեսված ծառայությունների փաթեթի զարգացմանը:
Բանկը խոշոր եւ միջին բիզնեսի հաճախորդներին առաջարկում է դասական ֆակտորինգ, համաձայն որի հաճախորդը զիջում է բանկին դեբիտորային պարտքը, որի դիմաց ստանում է ֆինանսավորում: Ֆակտորինգային ֆինանսավրումը ունի մի շարք առավելություններ: Այն թույլ է տալիս ներմուծողներին մեծացնել վաճառքի ծավալները` իր գնորդներին առավել շահավետ պայմաններ առաջարկելու հաշվին` այն է վճարման հետաձգում, ըստ այդմ բանկի կողմից ստանալով ֆինանսավորում առանց գրավի առկայության, ընդ որում ֆինանսավորումը մեծանում է վաճառքների ծավալի հետ համաչափ: Ներկրողը ստանում է նաեւ հնարավորություն օգտվել բանկի դեբիտորական պարտքի հավաքագրման եւ կառավարման մասնագիտացված ծառայություններից:
ՎՏԲ -Հայաստան բանկի գլխավոր տնօրեն - Տնօրինության նախագահ` Վ. Օվսյաննիկով, -«Արդեն մեկ տարի է ինչ ՎՏԲ-Հայաստան բանկը իր հաճախորդներին առաջարկում է ֆակտորինգային ծառայություններ: Ֆակտորիգային ծառայությունների հանդեպ պահանջարկը ինչ որ չափով հանդիսանում է հաճախորդների «Ձեռնարկատիրական հասունության» ինքնատիպ ցուցանիշ եւ այժմ նկատվում է ֆակտորինգի հանդեպ պահանջարիկի աճ, քանի որ շատ ընկերություններ դիտարկում են այս պրոդուկտը որպես դեբիտորական պարտքի կառավարման, լիկվիդայնության եւ վարկային ռիսկերի ապահովագրման առավել արդյունավետ տարբերակ: Տվյալ ենթատեքստում մեր բանկը` համագործակցելով խոշոր առեւտրային եւ արդյունաբերական ընկերությունների հետ, յուրաքանչյուր հաճախորդին առաջարկում է ֆակտորինգային համագործակցության անհատական սխեմա»:
2011թ.-ի վերջին ամիսներին նկատվում էր ֆակտորինգային ծառայություններից օգտվող հաճախորդների քանակի ակտիվ աճ, ինչպես նաեւ ֆակտորինգային շրջանառության նշանակալի ավելացում: 2011թ. 3-րդ եռամսյակի տվյալներով ֆակտորինգային ֆինանսավորման ընդհանուր ծավալները կազմում են 709 մլն ՀՀ դրամ («Առկա» տեղեկատվական գործակալության տվյալներով զբաղեցնում է 2-րդ տեղը ՀՀ բանկային համակարգում դասական ֆակտորինգ տրամադրոդ բանկերի միջեւ):
2012թ. ՎՏԲ - Հայաստան բանկը նախատեսում է հետեւողականորեն ընդլայնել ֆինանսավորման ոլորտների ցանկը եւ մեծացնել ֆակտորինգային գործառնությունների ծավալները, ինչպես նաեւ զարգացնել ծառայությունների տեսականին` առաջարկելով ֆակտորինգի նոր տեսակներ, այդ թվում միջազգային ֆակտորինգ, որն ունի մեծ հեռանկարներ Հայաստանյան շուկայում: