ԱՄՆ Ներկայացուցիչներու տունը ընդունած է Թուրքիոյ փոքրամասնութեանց
կալուածներու վերադարձի բանաձեւը
15-12-2011 12:36:18 | | Ի՞նչ է գրում սփյուռքի մամուլը
Երեքշաբթի, Դեկտեմբեր 13ին, Միացեալ Նահանգներու Ներկայացուցիչներու տունը ընդունած է Թուրքիոյ մէջ քրիստոնեայ փոքրամասնութեանց՝ Հայերու, Յոյներու, Ասորիներու եւ այլոց պատկանող եկեղեցիներու, եկեղեցական կալուածներու եւ ստացուածքի վերադարձին, ինչպէս նաեւ փոքրամասնութեանց կրօնական ազատութիւններու ապահովման առընչուող թիւ 306 բանաձեւը:
Այս բանաձեւը Ներկայացուցիչներու տան Արտաքին յարաբերութեանց յանձնախումբին կողմէ վաւերացուած էր Յուլիս 20ին, 43 թեր ձայնով, ընդդէմ միայն մէկ դէմ ձայնի:
Անոր հեղինակներն են՝ Ներկայացուցիչներու Տան Արտաքին յարաբերութեանց յանձնախումբի բարձրաստիճան անդամներ Էտ Ռոյս (Հանրապետական, Գալիֆորնիա) եւ Հաուըրտ Պըրմըն (Դեմոկրատական, Գալիֆորնիա):
«Նոր Յառաջ», Դեկտեմբեր 15, թիւ 302