Մեկնարկել է «Որակի ներքին ապահովումը ՀՀ մասնագիտական կրթութեան ոլորտում.մարտահրաւէրներ ու հեռանկարներ» թեմայով առաջին ֆորումը
15-12-2011 19:25:30 | Հայաստան | Հասարակութիւն
«Մասնագիտական կրթութեան որակի ապահովման ազգային կենտրոն» հիմնադրամը (ՈԱԱԿ) ՀՀ կրթութեան եւ գիտութեան նախարարութեան հետ համատեղ դեկտեմբերի 15-17–ին Աղուերանում կազմակերպել է «որակի ներքին ապահովումը ՀՀ մասնագիտական կրթութեան ոլորտում. մարտահրաւէրներ ու հեռանկարներէ թեմայով առաջին ֆորումը:
Ըստ «Մասնագիտական կրթութեան որակի ապահովման ազգային կենտրոն» հիմնադրամի հասարակայնութեան հետ կապերի բաժնի հաղորդագրութեան, համաժողովի նպատակն է ներկայացնել եւ քննարկել երկրում որակի ապահովման գործընթացները, առաջիկայ խնդիրները եւ լուծման ուղիները: Ֆորումի մասնակիցները 90-ն էն` ՀՀ բուհերի ներկայացուցիչներ, տեղացի եւ միջազգային փորձագէտներ, Համաշխարհային բանկի ներկայացուցիչներ եւ այլն:
Որակի ապահովման ազգային կենտրոնի տնօրէն Ռուբէն Թօփչեանը բացման խօսքում կարեւորել է բոլոր շահագրգիռ կառոյցների ակտիւ մասնակցութիւնը եւ ներգրաւուածութիւնը որակի ապահովման գործընթացում: Ֆորումի պաշտօնական բացման արարողութեանը ներկայ էր նաեւ ՀՀ կրթութեան եւգիտութեան նախարար Արմէն Աշոտեանը, որն իր խօսքում ողջունել է ֆորումի կազմակերպումը եւ կարեւորել այս թեմայով քննարկումների ծաւալումը` նշելով, որ ակնկալում է ազնիւ, շահագրգիռ եւ բաց քննարկում որակի ներքին ապահովման խնդիրների վերաբերեալ, ինչն իր ազդեցութիւնը կ'ունենայ կրթութեան գերակայ խնդիրները արդիւնաւէտ կազմակերպելու գործում:
Ֆորումում ելոյթով հանդէս է եկել նաեւ Ֆրանսիայից ժամանած միջազգային փորձագէտ Բրունոյ Կորուալէն, ով իր պատրաստակամութիւնը յայտնել աջակցելու Որակի ապահովման ազգային կենտրոնին` կրթութեան որակի ապահովման մեխանիզմները զարգացնելու հարցում: Յիշեցնենք, որ եռօրեայ ֆորումի ընթացքում մասնակիցներին հնարաւորութիւն կ'ընձեռուի ծանօթանալու տեղի եւ միջազգային հեղինակաւոր փորձագէտների ելոյթներին, մասնակցելու մասնագիտական վերապատրաստումների «Ոաակ մօտեցումները», «Որակի ներքին ապահովման համակարգ», «Ինքնաւերլուծութեան մեթոդաբանութիւն եւ գործիքներ» թեմաներով, ինչպէս նաեւ քննարկումների` Հհ-ում կրթութեան որակի ներքին ապահովման արդիւնաւէտ մեխանիզմների եւ մօտեցումների վերաբերեալ:
Ֆորումի վերջին օրը նախատեսւում է նաեւ միջազգային կրթական նախագծերի եւ հայաստանեան մի շարք բուհերի որակի ներքին ապահովման փորձի ներկայացում եւ ուսումնասիրութիւն: