Մարմարա »Հիւրրիյէթ« այսօր Անգարայէն կը հաղորդէ թէ Թուրքիոյ Խորհրդարանի Նախագահ Մէհմէտ Ալի Շահին Շուէտի իր պաշտօնակից Փէր Վէսթէրպէրկի հետ ունեցած իր հանդիպման ընթացքին ցաւ եայտնեց որ Շուէտի Խորհրդարանը ճանչցած է 1915-ի հայկական ցեղասպանութիւնը։ Մէհմէտ Ալի Շահին կրկնեց Թուրքիոյ այն տեսակէտը թէ Խորհրդարանները ժողովուրդներու կամքը միայն կը ցոլացնեն ու պատմութիւն գրելու իրաւասութիւն չունին, պատմութիւնը պէտք է թողուի պատմաբաններուն։ »Այս խնդիրը քննութէան կարօտ հարց է եւ պատմաբաններն են որ պիտի քննարկեն զայն« ըսաւ Շահին որ պնդեց նաեւ որ Թուրքիայ պատրաստ է բանալու իր բոլոր արխիւները։ Իսկ Շուէտի Խորհրդարանի Նախագահ Վէսթէրպէրկ եայտնեց թէ իր երկիրը ուժեղ կապեր ունի Թուրքիոյ հետ ու մեծ հետաքրքրութիւն կը տածէ Թուրքիոյ նկատմամբ, հայկական հարցն ալ ձեռք առնուած է այս շրջանակով, ինք ալ կողմնակից է որ պատմութիւնը թողուի պատմաբաններուն։ Վէսթէրպէրկ յիշեցուց նաեւ որ Շուէտի Խորհրդարանի անդամներուն մեծամասնութիւնը կողմնակից է Թուրքիոյ Եւրոմիութէան անդամակցութէան։

---