Ստենֆորդ համալսարանի գիտնականնները պնդում են, որ ժամանակակից անլար ցանցերի հնարաւորութիւնը կարող է կրկնապատկուել առանց որեւէ լրացուցիչ յաճախականութեան: Դա բացատրւում է նրանով, որ անլար ցանցերով տուեալների փոխանցման ժամանակ ելքային ազդանշանների ուժը նշանակալիօրէն գերազանցում է ներգնայ ազդանշանների ուժին: Արդիւնքում անհնար է դառնում տուեալների միաժամանակեայ ընդունումը: Առաջակուող տեխնոլոգիան թոյլ է տալիս անցնել ամբոջական երկկողմ հաղորդակցութեան, որի դէպքում տուեալների փոխանցման եւ ընդունման համար միաժամանակ կ'օգտագործուի միեւնոյն յաճախականութիւնը: Նման համակարգի աշխատանքի սկզբունքը որոշակիօրէն նման է ականջակալների` արտաքին աղմուկի ճնշման աշխատանքին: Ելքային ազդանշանների յայտնիութիւնից ելնելով հետազօտողներն առաջարկում են վերջինիս բնութագրիչ ինֆորմացիան օգտագործել ֆիլտրի պարամետրերի եւ համեմատաբար թոյլ մուտքային ազդանշանների ընդունման համար: Արդիւնքում հնարաւոր է դառնում միաժամանակ ուղարկել եւ ստանալ ինֆորմացիայ, որը նպաստում է կապի թողունակութեան կրկնակի աւելացմանը : Գիւտի արտօնագրի համար հետազօտողներն արդէն դիմում են ներկայացրել եւ կարծում են, որ նոր տեխնոլոգիան ունի ապագայ:

---