Խորհրդարանի Սահմանադրական ենթայանձնախումբը որոշում ընդունեց Սահմանադրութեան մէջ անցումային յօդուած մը ամրագրելու եւ Նախագահ Կիւլի պաշտօնավարութեան ժամկէտը ճշդելու որպէս եօթը տարի: Նոյն յօդուածին մէջ կը նշուի նաեւ որ Կիւլ երկրորդ անգամ չի կրնար թեկնածու ներկայանալ Նախագահութեան պաշտօնին:
Սահմանադրական ենթայանձնախումբը աւարտին հասցուց իր աշխատանքները եւ երէկ այս մասին բացատրութիւններ տրուեցան մամուլին: Ընդգծուեցաւ որ անցումային այս յօդուածով կը նախատեսուի եօթը տարի ճշդել երկրի 11րդ Նախագահի պաշտօնավարութեան ժամկէտի համար: Ինչպէս ծանօթ է սահմանադրական հանրաքուէով երկրի 12րդ Նախագահը պիտի ընտրուի ժողովուրդի քուէներով եւ կրնայ երկրորդ շրջանի համար ալ թեկնածու ներկայանալ: Ապտուլլահ Կիւլի պարագան բացառութիւն է, որովհետեւ Կիւլ ընտրուած էր Խորհրդարանի կողմէ:
«Մարմարա»
ԴԱՍ. ՀԱՅԵՐԵՆ 
Հայերեն
Русский
English
French