Անցեալ շաբաթ թուրքական ,ջիհանէ լրատուական գործակալութիւնը սենսացիոն բացայայտում էր արել. թուրքական ահաբեկչական մի խմբակ ծրագրել էր սպանել 2009 թուականի մարտի 22-ին Թուրքիայ այցելած հայ պատգամաւորին: 　 Յենուելով անվտանգութեան ծառայութիւնից ձեռք բերուած տեղեկատուութեան վրայ, ,ջիհանէ գործակալութիւնը բացայայտել էր, որ ,թուրքական միութեան վրիժառուների կ'ազմակերպութեանէ (Turk Intikam Birligi Teshkilati) անդամներ Մութլու Էրդողանը եւ Սելջուկ Օնուր Օզիլմազը ծրագրել էին սպանել ՀՅԴ կուսակցութեան անանուն ղեկավարներից մէկին: Թուրքիայում նրա գտնուելու մասին ահաբեկիչները տեղեկացել էին` վերջինիս կողմից թուրքական բջջային հեռախօս ձեռք բերելուց յետոյ: Բոստօնում լոյս տեսնող ,The Armenian Weeklyէ ՀՅԴ շաբաթաթերթը ենթադրում է, որ թուրքական ահաբեկիչների թիրախը կարող էր լինել Հայաստանի Հանրապետութեան Ազգային ժողովի ՀՅԴ խմբակցութեան անդամ Արա Նռանեանը, որը Թուրքիայում մասնակցում էր Սեւծովեան տնտեսական համագործակցութեան (ՍԾՏՀ) համաժողովին` որպէս այդ կազմակերպութեան Խորհրդարանական վեհաժողովի աուդիտորական յանձնաժողովի նախագահ: Ահաբեկչական խմբի անդամները hեռախօսազրոյցի ժամանակ քննարկել էին Նռանեանին սպանելու իրենց ծրագիրը, սակայն որոշել էին յետաձգել մտադրուած գործողութիւնը` իմանալով, որ անվտանգութեան ուժերը հետեւում են իրենց: ,թող մի քանի ամիս անցնի, իսկ յետոյ` առանց շտապելու կ'իրականացնենք մեր գործողութիւնը: Մենք ձեռքներս ծալած չենք նստելուէ, միմեանց ասել էին դաւադիրները հեռախօսային խօսակցութեան ժամանակ, որը վերահսկուել էր թուրքական իշխանութիւնների կողմից:　 ՀՅԴ Բիւրոյի մամլոյ դիւանը մտահոգութիւն էր յայտնել, որ ,նռանեանի` Թուրքիայ մեկնելու մասին լուրը մատչելի է դարձել ահաբեկչական կ'ազմակերպութեանըէ, նկատելով, որ ,նման տեղեկատուութիւն կարող էր տրամադրուել միայն թուրքական պետութեան կ'ողմիցէ: Մինչդեռ, թուրքական ոստիկանութեան զեկոյցը հաստատում էր, որ կապ է եղել ահաբեկչական խմբի եւ ,էրգենիկոնիէ` զինուորական եւ հետախուզական պաշտօնեաների մի գաղտնի խմբի միջեւ, որն ահաբեկչական գործողութիւններ է իրականացրել, այդ թւում, քաղաքական սպանութիւններ` Թուրքիայում քաոս եւ անկայունութիւն ստեղծելու համար` ընտրուած կառավարութիւնը տապալելու նպատակով: ,նռանեանի այցը գաղտնի չէր, բայց միեւնոյն ժամանակ բարձր մակարդակի այց էլ չէր: Ուստի, միանգամայն հնարաւոր է, որ այդ տեղեկատուութիւնը դաւադրութեան կազմակերպիչները ստացել են թուրքական կառավարութեան աղբիւրներիցէ, ,The Armenian Weeklyէ պարբերականին ասել է ՀՅԴ բիւրոյի քաղաքական հարցերով տնօրէն Կիրոյ Մանոյեանը: ,մենք հարցին լրջօրէն ենք վերաբերում` փորձելով որքան հնարաւոր է շատ տեղեկութիւններ ձեռք բերելէ, աւելացրել է նա: ,տեղեկութիւնը շատ մտահոգիչ է, քանի որ այն համապատասխանում է մի շարք փաստերիէ, ասել է Մանոյեանը: ,մի երկրում, որտեղ Հրանտ Դինքի նման անձնաւորութիւնը, որն ,աղաւնիէ էր համարւում` գնդակահարուեց օրը ցերեկով, մեզ չէր կարող զարմացնել, որ Թուրքիայի կողմից, սովորաբար ,բազէներիէ կուսակցութիւն համարուող ՀՅԴ անդամը թիրախ դառնարէ, նշել է Մանոյեանը: Իրօք, պարզուել է, որ ,էրգենիկոնէ խումբն անգամ մտադիր է եղել սպանել Պոլսոյ Հայոց պատրիարքին: 　 Զարմանալի է, որ այսպիսի լուրջ բացայայտումից յետոյ Հայաստանի կառավարութեան որեւէ պաշտօնեայ նեղութիւն չքաշեց հանդէս գալ յայտարարութեամբ կամ դատապարտման ուղերձով: Անգամ Հայաստանի Ազգային ժողովի նախագահը ձայն չբարձրացրեց` իր օրէնսդիր մարմնի անդամի` սպանութեան թիրախ դառնալու լուրերի առնչութեամբ: Պէտք էր ակնկալել, որ Հայաստանի կառավարութիւնը ճնշում կը գործադրէր Անկարայի վրայ` երեւան հանելու, թէ ինչպէ՞ս է ահաբեկչական խումբը տեղեկացել հայ պատգամաւորի` Թուրքիայ կատարելիք գալիք այցի մասին, արդեօ՞ք հեռախօսային ընկերութեան աշխատակցի, վիզաների թուրք ծառայողի կամ պետական որեւէ պաշտօնեայի միջոցով, որը տեղեակ է եղել Նռանեանի` ՍԾՏՀ համաժողովին մասնակցելու ծրագրերի մասին: Հայաստանը պէտք է Թուրքիայից պահանջի մանրամասն հետաքննութիւն անցկացնել այս սպառնալից միջադէպի առնչութեամբ եւ քայլեր ձեռնարկել` երաշխաւորելով, որ հայ բարձրաստճան պաշտօնեաների յետագայ այցերի մասին տեղեկութիւնների արտահոսք չի լինի ահաբեկիչներին: Մինչեւ պաշտօնական Երեւանը չհամոզուի, որ թուրքական կառավարութիւնը հնարաւոր ամէն ինչ անում է հայ այցելուների անվտանգութիւնը երաշխաւորելու համար, ոչ մի հայ պաշտօնեայ կամ զբօսաշրջիկ չպէտք է ոտք դնի Թուրքիայ, եւ ոչ մի հայ մարզիկ կամ մարզական թիմ չպէտք է մասնակցի Թուրքիայում անցկացուող մրցաշարերին: Ոչ մի ֆուտբոլային դիւանագիտութիւն: Նաեւ, ոչ մի սփիւռքահայ չպէտք է այցելի Թուրքիայ` մինչ նոր ծանուցում: Սակայն, զարմանալիօրէն, որոշ միամիտ հայեր չեն գիտակցում, որ արձակուրդն անցկացնելու համար Թուրքիայ մեկնելով, նրանք ոչ թէ պարզապէս այլ երկիր են մեկնում, այլեւ` մտնում են թշնամու տարածք: Քանի դեռ Հայաստանի եւ Թուրքիայի միջեւ գոյութիւն չունեն դիւանագիտական յարաբերութիւններ, ապա ոչ մի հիւպատոսական հայ պաշտօնեայ չի կարող օգնութեան հասնել վտանգի մէջ յայտնուած հայ քաղաքացուն, ինչպէս դա տեղի ունեցաւ հայ յղի կնոջ հետ, որը սպանուեց Անկարայի մօտակայքում, եւ ծեծի ենթարկուած հայ ընտանիքի հետ, որն իր արձակուրդն էր անցկացնում Անթալիայում: 　 Հայերը բոլոր հնարաւոր միջոցներով պէտք է այս մահափորձի դէպքը բարձրացնեն համաշխարհային լրատուամիջոցներով եւ միջազգային հանդիպումներում, յատկապէս ՍԾՏՀ համաժողովում` Թուրքիայի իշխանութիւններից պահանջելով ծանր մեղադրանքներ ներկայացնել ահաբեկիչներին, բացայայտել հետաքննութեան արդիւնքները եւ կանխարգելիչ քայլեր ձեռնարկել` մինչ Հայաստանը կը համաձայնի մէկ այլ պաշտօնական պատուիրակութիւն գործուղել Թուրքիայ: «Կալիֆորնիա կ'ուրիէր» թերթի հրատարակիչ եւ խմբագիր Թարգմ.` Ռ.Աւագեանի

---