Նախագահ Սերժ Սարգսեանն այսօր շնորհաւորական ուղերձ է յղել Հայաստանի Հանրապետութեան Պատուոյ շքանշանի ասպետ Միշել Լեգրանին` ծննդեան 80-ամեայ յոբելեանի առթիւ: ինչպէս «նոյեան Տապանե-ին յայտնեցին ՀՀ նախագահի Մամլոյ գրասենեակից, ուղերձում ասուած է. «սիրելի՛ մաեստրոյ Լեգրան, սրտանց շնորհաւորում եմ Ձեզ ծննդեան 80-րդ տարեդարձի կապակցութեամբ: Դուք մեծ աւանդ ունէք ժամանակակից երաժշտութեան զարգացման գործում, իսկ Ձեր ստեղծագործութիւնները կատարում են ամբողջ աշխարհում: Ձեզ նման վառ անհատականութիւնների շնորհիւ ամրապնդուել է Ձեր երկու հայրենիքների` Հայաստանի եւ Ֆրանսիայի կապը: ես մեծ ջերմութեամբ եմ վերհիշում 2009 թուականի սեպտեմբերին Երեւանում տեղի ունեցած մեր հանդիպումը: Վստահ եմ, որ առջեւում մեզ նորանոր հանդիպումներ են սպասւում, յատկապէս` Երեւանում, քանի որ հայ ժողովուրդը սիրում է Ձեզ եւ հպարտանում Ձեզնով: կրկին շնորհաւորելով յոբելեանի առթիւ` մաղթում եմ Ձեզ առողջութիւն եւ անսպառ եռանդէ:

---