«Չորրորդ ինքնիշխանութիւն» օրաթերթի մարտի 28-ի «562 Լուսին» նոյն ընտրացուցակում իրար հետեւիցէ վերտառութեամբ հրապարակման կապակցութեամբ իրականացուած ուսումնասիրութեամբ պարզուել է, որ 2012 թ. մայիսի 6-ին կայանալիք ՀՀ ԱԺ ընտրութիւների ընտրացուցակները ՀՀ Ընտրական օրէնսգրքի 12-րդ յօդուածի 1-ին մասի պահանջներին համապատասխան պատշաճ կերպով յանձնուել են թիւ 9 ընտրատարածքի 9/09 ընտրական տեղամասի կենտրոնը տիրապետողին: Ըստ ՀՀ ոստիկանութեան հասարակայնութեան հետ կապերի եւ լրատուութեան վարչութեան հաղորդագրութեան, ընտրացուցակները յանձնելուց 1 ժամ անց պարզուել է, որ իրօք, տեխնիկական վրիպման հետեւանքով, 9/09 ընտրական տեղամասի ընտրացուցակներում ընդգրկուած թուով 562 քաղաքացու անունները փոփոխուել են «Լուսին» անուամբ: «Յիշեալ անհամապատասխանութիւնը անյապաղ շտկուել է եւ նոյն օրը` 27.03.2012 թ.-ի մինչեւ ժամը 18.00-ն ընտրական տեղամասի տարածքը տիրապետողին է յանձնուել շտկուած ընտրացուցակները: Տեխնիկական վրիպման հետեւանքով անճշտութիւններ պարունակող ընտրացուցակները ոչնչացուել են: Ինչ վերաբերում է ընտրողների ցուցակը համացանցում տեղադրելուն, ապա այդ ցուցակներն օրէնքով սահմանուած ժամկէտում տեղադրուել են ոստիկանութեան պաշտօնական կ'այքում»,- նշւում է ոստիկանութեան պաշտօնական հաղորդագրութեան մէջ:

---