Մարտի 28-ին Հայաստանի առաջին Նախագահ Լեւոն Տէր-պետրոսեանը Եւրամիութեան պատուիրակութեան դեսպանատանը հանդիպել է ԵՄ անդամ երկրների դեսպանների հետ: Ինչպէս «Նոյեան Տապան»-ին յայտնեցին ՀԱԿ-ի կենտրոնական գրասենեակից, հանդիպման նպատակն է եղել ԱԺ ընտրութիւններին ընդառաջ Հայ Ազգային Կոնգրէսի մօտեցումների, ներկայ իրավիճակի գնահատականի եւ առաջիկայ անելիքիների մասին տեղեկատուութիւն ստանալը: Դեսպանների խնդրանքով Նախագահ Տէր-Պետրոսեանը ներկայացրել է առաջիկայ ընտրութիւնների օրինականութեան ապահովման կապակցութեամբ իր նկատառումները` յատկապէս նշելով արդէն հրապարակուած ընտրողների ցուցակի ուռճացուածութեան հարցը: Մասնաւորապէս, ներկաների ուշադրութիւնն է հրաւիրուել այն պարադոքսի վրայ, որ չնայած Հայաստանի բնակչութեան նուազմանը, ընտրողների թիւը ցուցակում աւելանում է: Դեսպանների խնդրանքով ՀՀ առաջին նախագահը ներկայացրել է նաեւ խորհրդարանում Հայ Ազգային Կոնգրէսի առաջիկայ անելիքները, ինչպէս նաեւ անդրադարձել է համամասնական ցուցակի կազմման սկզբունքներին: Հանդիպմանը մասնակցել են Հայ Ազգային Կոնգրէսի կենտրոնական գրասենեակի ներկայացուցիչներ Լեւոն Զուրաբեանը եւ Աւետիս Աւագեանը:

---