8 Մարտ 2012, իրիկուան ժամը 8։30-ին, Պուրճ Համուտի «Յակոբ Տէր Մելքոնեան» հանդիսասրահին մէջ, Հ.Բ.Ը.Մ.-Հ.Ե.Ը.-ի «Վահրամ Փափազեան Թատերախումբ»-ին հրաւէրով, դպրեվանեցիներ ներկայ գտնուեցան Ալ. Շիրվանզադէի «Ազգային գործիչը» թատերախաղին։ Կիրակի, 25 Մարտ 2012, իրիկուան ժամը 8:00-ին, Պուրճ Համուտի «Յակոբ Տէր Մելքոնեան» հանդիսասրահին մէջ, Համազգայինի Վարչութեան հրաւէրով, դպրեվանեցիներ ներկայ գտնուեցան Համազգայինի «Գ. Իփէկեան Թատերախումբ»-ի Մարսէլ Փանիոլիի «Փառքի վաշխառուները» թատերախաղին: Թատերական երեկոները առիթ մը եղան դպրեվանեցիներուն համար թատրոնի հանդէպ իրենց սէրը խորացնելու եւ արուեստի ճաշակը առաւել զարգացնելու։

---