Ապրիլի 4-ին Երեւանում Հայաստանի եւ Լիտուայի արտաքին գործերի նախարարութիւնների միջեւ անցկացուեցին քաղաքական խորհրդակցութիւններ` փոխնախարարների ղեկավարութեամբ: ՀՀ ԱԳՆ կողմից խորհրդակցութիւնները վարում էր նախարարի տեղակալ Զ. Մնացականեանը, լիտուական կողմից` է. Իգնատաւիչիւսը: Հայ եւ լիտուացի դիւանագէտները քննարկեցին եւրոպական եւ միջազգային կառոյցներում երկու երկրների փոխգործակցութեան հետ կապուած հարցեր, այդ թւում` Հայաստան-եմ համագործակցութեան ներկայիս փուլը եւ հեռանկարները: Անդրադարձ կատարուեց եմ հետ Հայաստանի Ասոցացման համաձայնագրի շուրջ բանակցութիւնների ընթացքին եւ արձանագրուած նշանակալի առաջընթացին: Կողմերը գոհունակութեամբ արձանագրեցին, որ վերջին 2 տարիների ընթացքում հայ-լիտուական յարաբերութիւնները, այդ թւում` բարձր մակարդակի քաղաքական երկխօսութիւնն ու փոխայցելութիւնները, կրթական ու մշակութային կապերը զարգանում են դինամիկ կերպով: Ինչպէս տեղեկացնում են ՀՀ ԱԳՆ մամուլի, տեղեկատուութեան եւ հասարակայնութեան հետ կապի վարչութիւնից, մտքէր փոխանակուեցին երկու երկրների արտաքին քաղաքական առաջնայնութիւնների օրակարգի, ԼՂ հակամարտութեան կարգաւորման գործընթացի եւ տարածաշրջանային հարցերի շուրջ:

---